有很多想記下...：

今日終於考完試啦!! 又一個sem 過去，即係我離畢業又近左啦，唉~~  是日的invert 卷，mc很難 (因為根本就唔可能記得晒d notes) 吹水應該有d 分，總括而言，應該唔洗retake 吧! 之後陪芙蓮同leo去med can 吃飯，我就等12半鹿鳴廳幫老細ck wong 慶生。食到超飽之後，出左銅鑼灣影幾米，好可愛好開心  >v<  特別係果d 月亮，令人越望就越開心!! (唔信可以去企定定望下，or 等我過幾日upload d 相)  影完相，我終於搵到間"翠苑"! 食好好味o既糖水~  本來都諗好要食杏仁糊 + 蛋，但我比店內濃濃o既桑寄生味吸引左，結果變左食桑寄生紅棗蓮子蛋茶 (個名好長 = =") 食完暖笠笠，又再出發，不過我d 老毛病又再發作啦，竟然搵唔返行去灣仔條路...  去左條咩咩 "摩理臣山道"，真係聽都未聽過.... 好彩我轉個靚彎，就搵到個海啦  >v<  去灣仔當然no problem 啦。

去灣仔就其實唔係為左影相，而係想去搭下star ferry 過尖咀~ 今日維港勁大煙霧，夜景零個靚，好彩我無特登走返lab 拎個腳架o者 =3=   但朦還朦，影做黑白相，味道還是不錯的  既然尖咀無夜景影，咁就唯有影商場燈飾啦，但係.... 海港城好頹囉，勁無癮之餘與內心咒罵之際，佢放煙火喎 @@  都挽回少少分數o既~  既然咁無癮，不如改去朗豪坊影貓貓啦~  行緊去搭東鐵果陣，接到阿茶電話，話有野比我喎~ 咁我地咪約mk kcr 等囉~ 原來茶茶係送禮物比我呀  >3<  都係第一次咁樣比人call 去拎禮物，不過都開心架~ 多謝你呀茶茶~~ >v<

見完我o既禮物小姐之後，我就去左仙跡岩吃飯 (我其實都唔明點解mk 咁多野吃，而我要揀佢 =.=) t hen轉戰朗豪坊... 除左多人之外，仲係多人....  我差唔多張張貓相都係影大特寫，無他o既... 唔係點避開d 人頭o者...   去左咁多地方，都係time square o既幾米裝飾最靚~ (but 無咩聖誕氣氛 XD)

拎左半日部alpha sweet digital...  我發覺我的右手好酸 (因為我係用相機帶繞住手幾圈，然後就咁用手抓住部機... 唔掛頸亦唔咩上身)  部野真係好重呀 >__<   但我好愛佢播~ 呵~

－－－－－－－－－－－－－－－－－－－－－－－－－－－－

我的如意算盤永遠打不響

實在好喜歡這樣漫無目的  拿著相機四處去
想起那兒就去  迷路了就照走
才算見識過這個世界
不過還是不太敢一個人走到太陌生的地方
這個我  還是膽小的
沒有人在旁陪伴
那顆不安定的心就更難平靜
好想再走遠一點  好想再看多一點
但我  很矛盾。

My story：http://www.facebook.com/album.php?aid=133071&id=570559365&l=28de60b329

今天到港島去  大鄉里出城哦
只有港島才有電車吧
我自有記憶開始  就沒有乘過電車(雖然我媽堅持我有)
記憶之中  只有一些從未兌現的承諾
或者連輕言承諾的人們  也把它忘得一乾二淨
一程電車  原來得之不易
所以我到今天還未得到過。

－－－－－－－－－－－－－－－－－－－－－－－－－－－－

明天開始離港數天
逃避一切解決不了  不想解決  或是無勇氣解決的煩事

歸期重要嗎？
歸來之時  才是面對現實之時

願凜冽寒風能吹醒昏沈的心。