自由是  無憂無慮無拘無束

豁達是  看破一切捨棄煩惱

獨立是  我行我素不再依賴

然而

我不自由  不豁達  不獨立

要飛，我飛不起，背負太多，都是自找的；

要放低，我卻抓太緊，總學不懂那種呼之則來，揮之則去的瀟灑；

要自主，我卻是 "有人指意人，無人就頭痕" 那類，身邊沒有靠倚，就一事無成。

今日，ALLE病左無咩點講野，CK今日都好靜局，成個lab 好冷清，我一個人坐o係lab 做野，做左好多亦諗左好多。
聽住自己o既腳步聲，迴盪廊中，感覺原來好寧靜，要咁樣先發現自己把聲好吵耳，都幾可悲。
我一直都認為，愛人前先要愛自己，但我開始有d 討厭自己，我其實唔可愛，唔可以愛，亦唔可以去愛。
我唔想討厭自己，但係無理由唔討厭自己，連聽到自己把聲都覺得煩o既人，可能已經煩到好多人而自己係唔知o既。
成日以為自己唔開心，真係"以為"囉~~  哼!  好一個"為賦新詞強說愁"!  就係因為呢個"以為"，錯過身邊好多真正o既快樂，甚至係快樂過後被我忘記，太可惡!!  真係好憎呢個自己!

　《再見二丁目》

　滿街腳步　突然靜了
　滿天柏樹　突然沒有動搖
　這一剎　我只需要　一罐熱茶吧
　那味道　似是什麼　都不緊要

　唱片店內　傳來異國民謠
　那種快樂　突然被我需要
　不親切　至少不似　想你般奧妙
　情和調　隨著懷緬　變得蕭條

　原來過得很快樂　(原來我非不快樂)
　只我一人未發覺
　如能忘掉渴望
　歲月長　衣裳薄
　無論於什麼角落
　不假設你或會在旁
　我也可暢遊異國　放心吃喝
　(我也可暢遊異國　再找寄托)

　轉街過巷　就如滑過浪潮
　聽天說地　仍然剩我心跳
　關於你　冥想不了　可免都免掉
　情和慾　留待下個化身燃燒

9點左右返到上水，落雨，唔知點解條街無咩人，我繼續聽住自己o既腳步聲，返家去。
但同o係lab o既感覺有d 唔同，今次有雨水o既聲音，而我依然，覺得自己都係shut up 比較好。