尋晚將z30舊電池掉轉方向放，搞來搞去都開唔到機，勁唔開心 =.=  以為佢壞鬼左，修理又乜乜咁遠，又突然記錯左部lx-2 o既保養期限，以為到10月就完，嚇鬼死...  = ="  如果係咁，就要為左兩部相機，荃灣銅鑼灣兩邊走 (好~~~遠~~呀~~~ >0<)  一諗起我時間不夠用，仲要搞d 咁o既野，就神經緊張.....  不過就算無記錯，今年1/2 個保養都真係完啦，真係要老遠走出銅鑼灣，仲要比$400 續期，而且唔知有無加價添 >"<  咁多樣電子產品 (計我自己比$買果D)  就只係得呢部相機我會年年幫佢續保養，可想而知我有幾愛佢  >3<  佢壞左我都唔知買邊部取代佢地位好啦....

今日又開學啦~ 可能係人生中最後一次。
由9半上到6半，一共5堂，都幾多。
中間果4個hr 空堂唔知做咩好，又無人同我食飯 = ="  結果自己走左出去買野，途中轉車經過九龍塘，見到科學館又有新展覽啦：

《神州生態 – 中國野生動植物標本展》
http://hk.science.museum/spexh/bic/tc/resources.html

記得我上次去科學館，都已經係好耐以前o既事lu~
無記錯的話，應該係某日放lab 之後，匆匆趕去睇最後一日o既《深海奇珍》啦~~
我仲記得我張博物館入場證岩岩過左期，點知就撞正果日科學館免費入場，真係好好彩 ^^
個展館雖然係好細，但係入面林林總總o既深海生物就真係令人驚嘆
我幾乎可以記起晒當日響科學館做過d 咩，玩過d咩，好開心o既一日

係時候申請番張博物館全年通行證
係時候逼dd 時間出來  再去睇下呢個世界有幾大

好多野都係時候做啦，唔做可能呢世都無第二次機會架啦~~
我記得我已經miss 左一次生態攝影年展，即使我每年差唔多時間都會特登留意下科學館d 展覽，但始終到今日都未有機會睇；
如果我某日唔係死都要去睇《深海奇珍》，可能我又要後悔多一次；
如果我今次唔去睇呢個標本展，可能遺憾o既事又會多一件。

好似講到好嚴重咁~
但當人生已經有太多遺憾...
即使係一件咁小o既事，你都唔會願意再比佢溜走，係嗎？