一把剪刀  一灘鮮血
你的心  碎了
我  也心碎了...

是日fish bio lab，令本人晚節不保... 頻頻殺生兼搞到血染lab coat... so sad  >"<
咁多年來專登唔揀d 要殺"生勾勾"動物o既lab，就係唔想一隻生物，由o係我手上活蹦活跳，變成奄奄一息，再逐漸失去生命o既跡象... 即使佢係一隻比我冷血o既生物... (或者事實上根本就係我比較冷血...)

由拎佢地出來 (仲要唔比水佢地 >__<  話佢地遲早都要死喎...)，到抽緊血果陣，其實我已經覺得好難過   枝針o係身體裡面"了來了去"點會唔痛... 之後仲要切斷佢條spinal cord (話係比較人道...) 跟手劏開佢拎0.2g 肝臟出來，佢任務就完成啦... 唉~ 當時真係想喊呀.....  /____\  唔係話怕核突，平時o係屋企煮送有咩未見過，再血淋淋o既我都係徒手處理架啦~ 但今次唔同... 佢地係o係我手上死去，就好似係你褫奪左佢地o既生命、佢地生存o既權利... 有一條白鱔 (鰻魚) 更慘，o係我開佢肚o既時候，因為實在太韌，用力之際，失手將把較剪插左入佢個心度，當堂血如泉湧，果刻除左佢o既心真係碎左，我亦都心碎... 心酸......

為死o係我手上o既兩條sea breams & 兩條eels 默哀...
為死o係呢個lab o既 8條sea breams & 8條eels 默哀.....
衷心感激你地為科學作出o既犧牲同貢獻，多謝你地....!!