再見我的最愛

那個心目中的位置  永遠無可取代

謝謝多年來與我一起譜過最美麗的日子

藍天不再  因為你已不在

再見我的Panasonic Lumix LX-2

就當和那片世界上最藍的天一起消失  徹底忘卻  再重新開始。

－－－－－－－－－－－－－－－－－－－－

點解要講再見呢.........？

事緣係咁o既：

星期六去幫KC Chung 睇小朋友，呢份job 其中一個duty 就係幫佢地影低d 相。咁我諗住p mode 要set 呢樣果樣咁不如用auto mode 影方便d，等佢地避唔切鏡頭。唉~~ 點知影完第一張就出事啦.... 根本無辦法影下一張，因為部機自己o係影相mode 同睇相mode shift 黎shift 去，完全無停低o既跡象，轉返去p mode 又好似無野，好彩都捱到個function 完左。其實部野以前都試過咁架啦，不過最多5、6次就曉停，而且唔會次次開機都有事，之前拎過返去整，師傅試左n 次都試唔到，真係無佢乎~~

今次堅係驚，如果壞左o既話分分鐘賣唔返出去 ~____~  唯有拿拿臨拎去"兇宅"trade in 左佢啦，原來都仲值千幾銀 @@" 加錢換左部dc仔：CANON IXUS 210。

雖然...

鏡係wide d
像數係高d
功能係多d
短片係高清
仲要係touch mon
電子性能嬴左九條街....

但係....

我　真　係　唔　捨　得！！　>"<

話晒佢都陪左我咁耐，幫我影過好多好多靚相，留低大家好多活動中o既美好回憶，而且....

佢影o既天係最靚最藍架~~!!

唉... 唔trade 都trade 左... LX 系列!!  我一定會再買架!!  你等我!!