尋晚好無聊，一次過睇晒三年大學生涯所寫o既日記 (睇左幾粒鐘 =0=)

其實year 1真係過得好開心架~~ 而呢三年我講得最多o既，就係：好忙好多野做。邊個話上左大學就係神仙？! 我就話AL 果陣輕鬆好多lu~ 因為你只係需要focus on study 就得啦，而上左u，要兼顧o既實在太多，每樣事情都要努力做好，時間上o既分配真係令人費煞思量。

同樣地，因為唔止係齋讀書咁簡單，你要o既仲有交際 o既手腕，因為有太多太多o既事係牽連到"人"呢樣野，稍一不慎，唔單止係搞喎件事，甚至連身邊o既人or 自己都會受傷害。人事關係實在係太難學習，三年後o既今日，到左畢業呢一刻啦，我只可以話自己o係呢方面係一敗塗地。I failed in interpersonal relationships.

我成日話自己已經好傷好痛，但其實我知，我親手傷害o既人又點會少。但至少，我會反省會內疚，希望咁樣o既我，尚算係一個人。

想挽留o既依然好多，想摒棄o既亦都唔少，仲要用好多好多o既努力，繼續行呢條傷人又傷己o既路。

－－－－－－－－－－－－－－－－－－－－－－－－－－－

睇返d 日記，我去過科學館睇一個叫"深海奇珍"o既展覽，果時實在係驚為天人，所以一直都記住果次展覽。

早排去台灣grad trip，又比我遇到佢!!  深海奇珍!!  wakakaka~~

 @國立海洋生物博物館

o係我諗緊點解我地咁有緣，兼又可以睇多次之際............

展期原來已經過左... =.="

白歡喜一場 =3=

我地緣盡於香港科學館 XDDD