自從幫部notebook 裝好Windows 7 之後，就好少打中文字啦，有時打幾個字都打到想爆粗 =3=

Windows 7 懶係醒咁幫我個廣東話輸入法d 字重新排過晒次序，原本係依常用度排，佢而家幫我跟筆劃多少來排!! 真係激~~死~~~我~~~啦!!!  >"<  搞到我打中文字o既速度嚴重下降兼且成日打錯同音字，仲要無晒d 同音但唔同串法o既拼音，逼人用"正規"拼音；有d 口語字又無啦啦唔見左，好煩呀好煩呀好煩呀!!!! 明明就係同一個software，點會咁唔同架？! 分明係Windows 7 玩野啦! 

除左廣東話輸入法有問題之外，部notebook 硬件上都好似唔多相容 @@""  好似係個touch pad 無左碌上下左右o既功能，打字果陣唔識將mouse pointer 自動隱藏(我明明有set!!)  唔覺意揩到的話，你打緊果d 字就去mouse pointer 指住果度(個cursor 比"你"點左去第度....)  以前用Vista 都唔會咁o既...... 我親自test 過，平時篤篤下果陣都無咁sensitive 架，係打緊字果陣先會!!!  簡直就係十萬個無奈!!!!!!!!!!!!!!!

但係我又怕用返Vista 會成日hang 機，做緊重要野就pk 啦 = ="""   不過Windows 7 用廣東話輸入法打中文字呢樣真係好難頂，唔知我仲可以忍佢幾耐呢？!

P.S. 呢篇野係特登開netbook 打的... (netbook 用Windows XP~~) XP真係偉大發明，又唔太食ram，同好多software 相容度高，總之就係順手好用係啦!