天呀天  你使唔使玩o甘盡呀?!  等我考中期試先黎老人病發?!

膝頭痛到pk 先來吊極力子  不如吊起我來打好過啦.... 連行路都行到gut gut 下...
我都係第一次吊極力子吊到腳震...  sosad  =..=
好在係左腳發作  如果係右腳就要比$$改考期啦.....
點解?

因為左腳控制離合器不善的話  中期試最多搞到部車怒死火
右腳的話....  踩錯油門腳掣會炒車架.... XD

我考緊掉頭果陣有段小插曲:
本來已做好泊車  準備窄路掉頭
o甘就要先將車駛離泊位  then 盡量靠向路旁左
停定車就可以開始第一手軚

點知!!
我都未停車 (即係三手軚完全未開始)  就feel 到左前輪碌左上d 野度  o甘梗係拿拿聲dum brake停車啦
當時我心裡狠狠地叫左聲: 「今次pk 啦... 唔通上左駁?!」
因為如果任何一個輪揩到野的話  那我就肥佬啦.... /____\
但係  中期試  還是要考下去的..... >"<
then 繼續掉我的頭  然後再上落我的斜路

o甘就考完了...

不過!!
原來我未完!!  @0@

因為我突然記起入去泊位前  3號位果度  係有個堅係突o既石屎渠蓋o係路面近左邊  ( 不過o甘遲先記起有鬼用麼... 都出成績啦...)
根本泊車果陣已經碌過左n 次  震到傻仔o甘  因為果陣左鏡見到  所以唔驚
出來的時候  前後左右鏡都睇唔到  搞到自己嚇自己 =.="
最後同一直o係車外睇我o既阿sir confirm 返  我真係! 只係! 碌左上渠蓋而已~~~~ XDDDD

所以中期試
就o係驚驚青青  腳震震o既情況下pass!!  yeah~~~

下次出車有得去街街學啦.... 驚驚~~ XD

oh!  @@
其實聽日仲有一個試要考囉~ =3=