星期日下晝無啦啦發燒，打冷震震到企都企唔穩，一訓左落床就勁勁勁頭痛，暈到成個世界都好似旋轉中...... 完全落唔到床睇醫生  =________="

燒到星期二，都仲係成身辣手咁熱，但逼自己食左少少粥 (好彩發燒前屎忽痕煲左煲白粥，如果唔係呢幾日會餓死~___~) 食左野有返少少力，好辛苦爬到樓下診所睇醫生，點知佢話booking 到七點!! 當時先六點，又無理由唔睇，唯有laan 返上去屋企等。

七點四，終於到我啦，醫生問我咩事，我話得發燒同超頭痛，所以拖到今日先落到來睇，佢話我果陣都仲係燒到39度，今日落到來已經好叻啦!  醫生睇左喉嚨話有少少發炎，開左藥寫埋醫生紙就叫我走，埋單又無$220.......T___T

夾硬逼自己食左d 野後，食藥，超開心無藥水~~ 食完兩個零鐘就退晒燒，成個人涼番晒!!  但係頭就仲好痛，第日訓醒藥力退左又燒返dd，但人就精神好多啦。

呢幾晚張床比我搞到堅核突!! 我晚晚勁出汗，床單被單枕頭套全部都濕晒!!  有晚訓訓下覺得張被好濕頂唔順，一手反轉佢再訓過!!  即係退左燒第一件事就係，洗晒d 床單被單枕頭套啦~~ (其實我仲洗左衫，吸左塵，落街買送煮飯食... 仲勤力過平時 =.=)