尋日又無打日記，事關我尋日ｏ既活動就係訓→醒→食→訓→醒→食......呢個ｃｙｃｌｅ都唔知重覆左幾多次＝　＝”我由星期三放學就開始病，足足四日假期都無好日子過，結果就係無一樣功課係完全做晒ｏ既，咁今日就梗係無得交啦。

唉∼∼我應該病都要做功課架嘛，做得幾多得幾多啦（雖然質素會......＝_,＝）但我點可以用呢個黎做藉口，ｏ羊都唔做呢？
我深信我ｏ既懶惰，會有一日，為我帶黎厄運......

今日放學傾左好多關於唐山ｐｒｏｊｅｃｔ　ｏ既野，大家分工情況都唔錯，希望到時真係落手落腳做果陣，會順順利利啦，如果真係一鑊泡都唔知點收科

呀∼∼∼∼＞＜！！！！！！！！！唔會ｏ既唔會ｏ既！！我地一定會做得好好睇睇，過到自己果關！！都會過到所有人果關！！哼！•＼  ／•