ｗａｋａｋａｋａ∼∼∼　＞ｖ＜

考完試原來會令人懶上加懶架，我呢機日都好得閒，不過就懶得打日記∼∼呵呵∼∼我係正一死懶鬼！^^

今日出左沙田，做ｏ羊？咪就係睇人打機囉＝ｏ＝”鬼ｏ羊，我都唔打機ｏ既，叫埋我去機舖咪盞悶死我，好彩，我唔打機唔代表我唔睇人打，其實我都幾鐘意睇人打機架，不過因為我打機ｏ既ｉｑ→０，所以會越打越無癮，而家就越黎越唔鐘意打啦∼＿∼我只會係超超超無聊果陣，拎部ｇａｍｅｂｏｙ出黎打下架咋......

打完機，同清、＋ｙｉｎｇ、汪汪、肥鴻＆東去左雪國食拉麵，原來同細佬以外ｏ既人去同一個地方食野，ｄ野食都會好食好多！唔好話我衰，係真架，ｍｏｏｄ都唔同ｄ啦，又唔洗勞氣鬧人。無論如何啦，ｄ拉麵真係好好味，好想再去多次呀∼^^

之後，去左影貼紙相，我都未試過同咁大班人一齊逼埋影相架＞"＜好好玩呀，成班人扮鬼扮馬咁∼∼哈哈哈∼∼∼下次叫多幾個一齊去逼先！可惜，太多人都有唔好處，就係ｄ相分唔勻，唉∼凡事都有正反兩面ｏ既∼

今日過得好開心呀最遺憾ｏ既就係我唔可以上阿清度玩埋夜晚佢！可以打ｐｓ２又可以打雀∼細佬呀細佬，你仲要成為我自由ｏ既枷鎖幾耐呀？我無自由呀，失自由.......................................

開心埋今日，又要回到現實啦，聽日就係派卷ｏ既日子，一次過派晒咁多科，唔知我受唔受到咁大打擊呢？