朝早搭車去阿清度果陣，聽到以下對話：

婆婆：「婆婆下次再帶你去我屋企好唔好？好唔好呀？」
細路：「唔制，我唔制！我邊度都唔去！」一路講一路狂拍我張凳，差ｄ拍到我嘔肺。
婆婆：「點解呀？去婆婆度唔好ｏ羊？」
細路：「唔好！我唔去，你吹呀，吹呀，我係都唔去呀∼我邊度都唔去∼∼∼」

我聽完之後真係想同個細路講：「邊度都唔去？咁你訓街啦！！！ｐｋ！！」

如果佢係我細佬，咁同我阿婆講野ｏ既話，我一定不留情面咁聲佢兩巴。雖然我阿婆仲在生，仲對我好好，但係我阿嫲就係早幾年過左身啦。阿嫲對我好到ｏ羊咁，而家我成日都發夢見到佢，同佢一齊行街買野食，但係紮醒之後，又會知度原來全部都已經過左去，無得番轉頭，我最多ｏ既眼淚都係為佢而流。所以我好憎果ｄ對阿婆阿嫲好無禮貌ｏ既細路，到佢第時知度邊個真心錫佢，對佢好果陣，一切可能已經太遲，點解唔係而家好好珍惜呢？