酒能醉人，何不醉我...............？

－－－－－－－－－－－－－－－－－－－－－－－－－－

早幾日，將自家釀製ｏ既梅酒，放左入雪櫃，諗住雪凍ｄ好飲。樽梅酒係用雙蒸釀ｏ既，酒精濃度一ｄ都唔低架，肯定高過啤酒∼∼今晚見到ｄ送幾好味，就倒左三分一杯飲啦（隻杯我諗有我拳頭咁上下大）酸酸甜甜都幾易入口，但係太大啖飲都會有ｄｄ嗆，飲完我就真係無乜醉意，好難想像有人會飲完一啖啤酒之後，滿面通紅∼

或者我要多謝我伯父啦，因為當我仲係手抱ｂｂ果陣，佢竟然灌我飲桂花陳！（印象中飲左都唔少，雖然唔夠一大枝........）桂花陳係一種甜ｏ既酒，酒精度數絕對唔低，有興趣大家可以去超市望望，我覺得桂花陳好好味架　^－^