以下係２４號的日記（因為太興奮，可能打錯好多字，請見諒）：

朝早都係果樣，帶細佬去打鼓，眼訓到我呀∼跟住去左食早餐，ｔｈｅｎ番屋企等媽媽一齊出沙田食ｌｕｎｃｈ，點知我去到粉嶺就發覺，我無帶電話（出街無左電話，我做鬼都唔靈......）唯有拿拿臨番屋企拎啦（其後發現我仲無帶潤唇膏同紙巾）一來一回搞到我遲左成半個鐘先出到去，本來唔係好肚餓，變左超餓...＝　＝"　

係百人一朱好趕咁食完之後，就去會合汪汪，一齊出ｔｓｔ睇禮物，我又係衰ｄ既，睇極都唔ｏ岩∼∼∼哈哈哈∼∼汪汪想送條"孖煙囪"比我喎（汗””””）雖然ｄ公仔真係幾搞鬼........途中去左許留山歇一歇，跟住去左同人逼（＠＠暈∼），不斷咁叫人幫我地影相，影左好多唔同ｏ既聖誕樹^ｏ^　靚呀！我第一次去睇燈咋，唔好話我老套喎！！下次去埋倒數先！

又係好趕好趕咁搭火車番黎上水打邊爐，點知番到黎太早，要四圍逛下先。九點鐘去到海港，阿清、＋ｙｉｎｇ、小龍同懷懷已經到左，我坐左一陣，第一個驚喜就到啦.........登登登凳：

好靚ｏ既玫瑰花一大紮！！！！！我咁大個女第一次收花架咋！多謝阿清同懷懷！^３^　佢為我帶黎短短回家途中，多個豔羨ｏ既目光，包括ｆｒｏｍ多對情侶的∼

ｔｈｅｎ大家陸續到齊（排名不分先後地報告一下全體出席朋友：汪汪、＋ｙｉｎｇ、阿清、小龍、懷懷、聲聲、婷妹、麗君、ｃｈｉｌｄ＆華女），食左一輪，又嘈喧巴閉左一輪之後，三個男人約埋一齊去廁所，正當我地傾緊佢地係咪跌左落ｘｘ之際，佢地捧住個蛋糕走出黎！好好好ｓｕｒｐｒｉｓｅ！！！！大家對唔住，我真係形容唔到，就算我好好好開心都唔會喜極而泣架，因為開心就係開心，點可以喊ｏ既呢？但係我想同大家講........

我真係好開心、好感動架！^^∼

以下就係我今日收到ｏ既禮物：

收到禮物固然係開心，但係有你地，我更開心∼

多謝你地比我呢個難忘ｏ既２０歲生日呀！