呢排飲ｍ記ｄ茶包奶茶飲上癮，但係無理由日日為左杯奶茶，去食成ｓｅｔ早餐架嘛（其實真正原因係........我懶得咁早起身＝ｖ＝）

咁呢..........就諗到要自己整啦！我心諗，茶包+熱水+糖+花奶＝奶茶，咁又點會難到成餐飯都煮到出黎ｏ既我呢∼？

所以尋日走左去百佳買料，買左三花淡奶一細罐，正諗住買ｌｉｐｔｏｎ紅茶包ｏ既時候，我發現無貨喎＞ｏ＜　咁就逼住買隻貴ｏ既，都係ｌｉｐｔｏｎ出ｏ既伯爵紅茶（ｅａｒｌ　ｇｒｅｙ　ｔｅａ），呢隻茶係出名帶有橘子香氣，係ｄ英國人其中一種愛飲ｏ既茶。

今朝諗住沖黎試下，一聞ｄ茶葉，清香撲鼻，帶ｄｄ花香（橘子味呢？？），都幾好聞。一沖熱水，果陣花香就更勁（十足十香精＝"＝）結果..........我飲左杯有濃郁花香ｏ既奶茶..............

講真，隻味真係唔難聞，但係飲落肚就硬係覺得怪怪的.......雖然我無肚痛.......

舉個例，我好鐘意聞薰衣草ｏ既香味（我明白有人連聞都覺得難頂........）但係我實在完全接受唔到將佢食落肚，雪糕、蛋糕，甚至花茶都唔得＞＜　另外一個例，魚香茄子好香，聞到就想食，即使有人好好好愛吃，但係都應該唔會將佢種味做成香水，噴上身掛，唉∼

仲有１９個茶包，點算好呀..................唔通真係要硬起頭皮飲晒佢？！ｏｈ　ｎｏ∼∼∼∼＞＜