尋日番ｃｕ睇理閃聯（理學院閃避球聯賽），初賽ｂｉｏ三場全勝，好野∼∼！本來我無應承落場打，但果陣見佢地打得咁開心，自己都好有衝動落去玩埋一份，可惜隻腳仲痛緊，無可能高速移動，所以都係諗下算囉∼（佢地應該慶幸我落唔到場，如果唔係，比我呢ｄ手腳眼唔協調ｏ既落左去，由嬴變輸都有機......＝"＝）

睇完理閃聯原本有莊聚，但當日先知取消左，咁就諗住拉大隊去沙田食ｌｕｎｃｈ（又係２點的ｌｕｎｃｈ...）點知落到火車站，個個都話去深水步，我之前果日先去完，無理由連續兩日走出去嘛∼有ｄ人又話食左ｌｕｎｃｈ，最後得番我同ｊｏｈｎｎｙ兩個.......∼＿∼　去到沙田，最先諗住去新開ｏ既ｆｏｏｄ　ｃｏｕｒｔ食日式燒餅，點知爆多人；咁咪算囉，去雪國食拉麵都唔錯，但係......雪國呢？！！！！！！新城市廣場裝修，間雪國唔知執左定搬左，我兩個又激氣又肚餓，鎖定目標要食拉麵＞＜　一口氣去左連城個ｆｏｏｄ　ｃｏｕｒｔ果間拉麵店（唔記得ｏ羊名...）果陣都差唔多成三點，我餓到就黐線，求其叫左個餐就吃啦，味道都ｏｋ架，不過唔平......連埋加一要＄７５，可以係ｃｕ食三餐有多∼　

食飽無野做，見好耐無行過沙田，咪周圍兜下囉，沙田ｄ商場真係.......次次去都唔同左，感覺好怪＝３＝　陪ｊｏｈｎｎｙ去完穿耳之後諗住搭車走架啦，點知比我見到ｐａｐｐａｇａｌｌｏ（←串岩麼？）拿拿臨買雪糕食，原來係我地都係為食貓ＸＤ　買之前我仲成日話好凍，但係果陣又要食雪糕，被人歧添∼∼ＸＤＤＤ（我鐘意冬天食雪糕的，越凍越好！）

食食食食食之下，尋日下晝差唔多洗左成舊水食野，未計當天早餐同晚餐，都係出街食，哈哈∼＝ｗ＝