今日約左婷妹番鄧顯捉ｄ阿ｓｉｒ食飯，順便比埋份遲左好多好多ｏ既生日禮物比佢。始終都係袁ｓｉｒ好，肯睬下我地，賞面同我地食餐飯（仲有黃ｓｉｒ＠＿＠）徐ｓｉｒ好冷淡，邀請佢同我地食ｌｕｎｃｈ，佢話：「我有人請食飯喎∼」咁唔比面架∼∼∼＞＜　等我地仲特登「順便」兜入鄧顯探下ｄ老師，都係都係都係袁ｓｉｒ最好！！要我講多ｎ次都係咁話∼

番到中學，先發覺原來自己係咁唔捨得，畢業果陣都唔覺架......雖然ｄ阿ｓｉｒ、ｍｉｓｓ好似對我地回歸校園無乜感覺，可能佢地年年都有咁多學生畢業，可以唔捨得幾多個呀.....都麻木晒啦∼　我就唔同啦，一世人得果一次咁大把中學畢業，點都有ｄ感情掛∼　就算學婷妹話：「以前日日番學就係等放學。」我係１００％認同架，讀書考試對我黎講真係好辛苦，點會唔想快ｄ過∼　但係我暫時最開心ｏ既時間，就係ｏ係學校度過，因為學校有我ｏ既朋友，每日番學就可以見到佢地，嘻嘻哈哈咁就一日，真係好令人懷念.......　

有人話，人越大，越難識到真心ｏ既朋友。ｗｅｌｌ.......某程度上我認同，大學唔同中學，中學同學上乜堂都一齊，我地有ｏ既係相處ｏ既時間，了解自然深，最真心既朋友都係咁黎；但係大學呢？即使係同系ｏ既同學，一個星期都係見得果幾堂，相比起ｄ　ｅｌｅｃｔｉｖｅｓ，算係多架啦，ｍｓｎ無啦啦多左堆唔會傾偈ｏ既人，係百萬大道見到ｈｉ完都仲未醒起係ｔａｋｅ邊個ｃｏｕｒｓｅ識ｏ既人，仲有打電話比人要講清楚自己係邊個ｃｏｕｒｓｅ既邊個..............我真係唔知點樣先可以係ｄ咁ｏ既情況之下，識到可以交心ｏ既朋友。呢ｄ點頭之交，我唔想要，一個都嫌太多........

朋友們，不要離棄我........../＿\　

你們都太重要。

－－－－－－－－－－－－－－－－－－－－－

開始不喜歡自己喜歡聽「與我常在」