數個小時後，將身在雲南~

9天後回來~

－－－－－－－－－－－－－－－－－

遠離開這被捆綁的世界

今日應CK要求，番去MSL做一次dilution experiment先，佢似乎好驚我地又做錯野 XD  本來我地傾過應該幾粒鐘就乜都搞掂架啦，點知執下呢樣，搞下果樣，抹下樽，label下野，去科學園食個lunch，咁又用左一個上晝+下晝....... 中途仲有個小插曲：我同philip燥底開片 =0=""

之後又係技管會議，開到6點幾就開完，本來諗住上紫霞拎番d野就走架啦，點知，出面落狗shit，大雨到根本有遮都行唔到.... 咁我就落左soc房hae，hae到7點幾先細雨d，可以上紫霞。點知....上到去，ricky話唔知紫霞改左咩password，入唔到，唯有等人入去我地再跟啦.....= =  走果陣，懶得行，結果等左半個鐘先有車係NA落火車站，落到去美心都就閂門，唯有走左去沙田食飯，又係食台灣野@麵軒，我掛住台灣d野食掛到就黎癲 >_<

又話事不過三o既.... 點解我會係4日內撼到4次頭?!?!?!  >"<

- 大前日　撞到櫃桶把手：擦損右眼角

- 前日　撞到櫃桶角：右額角腫起

- 尋日　上小巴撞親：頭頂

- o岩o岩　撞到牆角：左額角紅左

我諗事不過三.....似乎只係適用於我個GPA........ /____\

我害怕  所以我逃避  所以我還未去check今sem results......

尋日大家講起，先醒起原來尋日出result，個個都話好驚好驚，唔敢去check住，話遲d/過多幾日先喎~~

倒頭來咪又係拿拿臨去check~ 唉~ 我而家依然係未check架... = ="

......都唔知自己驚d乜，話就話我mid-term真係考得好差，但final真係出埋飲奶力溫架啦!! 

死左的話，我都唔知比d咩反應好.... 我而家去受死啦.....大家唔好安慰我.... 直接借個膊頭比我得架啦 ~__~

－－－－－－－－－－－－－－－－－－－－－－－

ｃｈｅｃｋ完.....

都是ｐｅ惹的禍　：＞＜：

膊頭呀...........T____T

個個o卑實ｄ咩呢？咪就係有野食來囉~

雜錦鍋rather than打邊爐..... 因為我地真係好餓 = ="

總務部大合照~

總務部的5個男人，型到你地呀.....@@"

－－－－－－－－－－－－－－－－－－－－－－－－－－－

做完ｌａｂ又未開始聚，去左海濱長廊走一走~

紅花龍船花？？

夜裡的海濱長廊

有海風吹過果陣真係好舒服，有水聲有風聲，就係無乜繁囂o既聲，仲有植物睇~

可以話係繼ICS後，另一個我最愛的減壓地方吧~

不過地點確實唔就腳，而且好多蚊，下次去要記得著長褲/帶蚊怕水。

都係講住先o既o者，應該都無乜機會再去架啦......