呢幾日都好好天，有藍天又有白雲，睇到人心曠神怡。

如果搵日可以訓係草地上面，無憂無慮，唔洗掛住ｄ功課，好好欣賞下天藍色的美麗藍天∼∼

嘩∼加埋涼風吹送，和曦ｏ既陽光......　真係諗起都偷笑呀∼

ｙｅａｈ∼∼∼！終於如我所願，今晚有得打邊爐啦！^^　（可惜今晚要洗好多碗＞＜）

有ｏ羊食呢？有......生菜、滑牛、鮮冬菇、貢丸、牛丸、墨魚丸、布包豆腐＆烏冬，ｙａｍｍｉ！！！食到好飽呀∼∼

滿足

不過係屋企食唔同出去食架嘛，快ｄ搵日大家約埋去打邊爐啦∼∼

哎ｏ也ｏ也∼∼∼∼本來早兩日ｐｅ　ｄａｙ企左成日都無事架，點知今朝一早起身就知味道啦∼嘩！真係好似比人打左一身咁呀，好陰公Ｔ＿Ｔ　

超唔想郁果堆功課呀＞＜　但係聽日又要交ＣＨＥＭ　ＲＥＰＯＲＴ喎，求求其其搞掂佢算啦　＝"＝

我又拎哽頸"""""四"""""""啦！！！！！！！！！＞＜

唉∼∼上年ｓｈｏｔ　ｐｕｔ係咁，今年又係咁，我真係幾有「四奶」命.......

好彩放學去ｒａｉｎｂｏｗ食糖水，開心番晒∼∼　仲有聲聲請我地一人食一粒湯圓，係好好味ｏ既紫晴湯圓，真係多謝晒呀＞ｖ＜　食到尾先發覺林ｓｉｒ係隔離枱，做ｏ羊唔肯請我地ｏ者？！

今天被臨時拉夫，比聲聲扯左去做裁判。做ｊｕｄｇｅ都幾好呀，唔洗係看台度無所事事，只不過要日曬雨淋咁ｏ者，都幾有意義架，不過我諗，比我ｄｉｑｕａｌｉｆｙ左果ｄ就真係唔係咁諗啦......＝_____,＝

下晝食完杯麵，就返去區場跑１００ｍ　ｈｕｒｄｌｅ，見住前面果一大堆欄，就想即刻走佬唔跑啦......可惜唔得呀，我果陣已經係ｔｒａｃｋ上面啦＞＜　好彩，我無穿無爛亦無ｐ到，安安全全咁去到終點，呼∼∼真係要讚下自己∼^^

我班某陳姓同學受傷了，望佢快ｄ好番啦∼

諗唔明點解ｒｅｄ　ｃｒｏｓｓ／聖約翰果ｄ人咁耐都未走到出去.......我係隔離諗都無諗就衝左出去啦（雖然乜都幫唔上）因為我好怕睇到人係區場受傷，可能係我ｄ童年陰影掛，我細個試過跑跑下成個趴左係度，好痛架！！！隻腳傷左好耐都未好，搞到我而家就算係看台見到人整親（ｅｓｐ.趴低）都會背脊涼一涼，好驚好擔心......我係咪好戇居＝　＝”