因為qooza 有個記錄功能，可以統計5 日內有咩ip 入過個blog 度，所以如果被惡意入侵的話，可以block 左果個ip，真係試過一日成百個記錄，玩咩，邊有咁多人黎睇丫。
又因為呢個功能，尋晚見到有個ip 兩三日內，由我個blog 2x 版睇到3x 版，我見到果陣，唔係第一時間去block 佢，而係跟住又去睇下自己以前寫過d乜野......
唉... 我最珍惜o既朋友，因為d 咁無謂o既誤會，就咁就無左。
記得當時，落雨無遮、食飯無人陪、做lab 搵人幫手、晨咁出早field、夜一夜都未做完report、齊齊交唔到貨比老細__，都有你陪有你支持，做錯幾多白癡野都有人包容，d lab result 失敗幾多次都有人鼓勵，當時真係覺得自己好幸運好開心，有一個咁樣o既朋友真係好...
人年輕o既時候真係比較純真，我真心覺得人與人之間會有真摯o既友情，但原來男人同女人之間o既友誼係比較容易變質，一個說不清o既誤會，朋友，就從此成為陌路人。
當時，是憤怒的，不過當年月過去，現在的我，反而覺得可惜，還伴隨一點點心痛。
人好奇怪的，翻開舊時d 野黎睇，就會越翻越多。
我好慶幸，以前總有人呵護，有人溺愛，而我總係太任性，太刻薄了，都不知o係人心裡頭劃左幾多刀，而家睇返都覺得自己有d 過份。
或者我當初好勝、倔強，唔願意講一聲對唔住，唔肯企o係人地果面諗，我果d 無謂o既堅持，而家諗返，實在幼稚得很。
今日，到我學懂珍惜，但我卻學不懂信任。 |
