-  第一次著個v 咁deep o既背心長裙 (羞~~  >///<)  好涼呀 ~0~

-  搵返隻cd：Toy-Box FanTastic；好似搵返多少青春，唔經唔覺都已經係10年前o既碟啦

-  當老細擔心你份工個朵唔夠響，特登call 你，問你要唔要加人工去換個靚d o既title，等你第時搵過份工果陣好睇d，你會有咩感覺？(雖然呢份job 得3 months duration)

或者你以為我吹緊水，以為呢個世界個個老細都係咁刻薄，以為呢個世界d 好人死晒，但係!!

我老細Dr. KC Chung 絕對係d 咁o既人!!  OMG!!  我上世雖然做左好多壞事，但今世比我遇到d 咁好o既人，下世係咪要還架？

不過我諗，今世先要為佢賣命....

－－－－－－－－－－－－－－－－－－－－－－－－－－－－－－

下雨天總掛念從前...

掛念沒有帶傘的雨天
一個電話
就可知道誰是值得珍惜的人

可惜
現在即使站在雨中  拿著電話
要決定該撥哪一個號碼
比衝進雨中  更令人為難

好想念拿起電話就按的日子
還有這樣的機會麼？

如果有的是金錢，就賭上金錢；
如果有的是青春，大可賭上青春；

嬴了，那很好呀；
輸了，也只是賠掉賭上的一切。

如果甚麼都沒有呢？

我可以在人生的遊戲中賭上甚麼...

為甚麼總不明白...
讀生物系的人不會無故成了律師、醫生、會計師，
但我們不一定沒有光明的前路，
除非你抹殺所有自我增值的資格。

人生，是屬於自己的，
選錯甚麼，我也只可埋怨自己；
何苦逼我埋怨他人...

你眼中的好，並非我所追求的，
每個人都有想走的路，
若果要安穩而沉悶，那麼...

我寧可辛苦一生，去換取追求的快樂。

... 唔係凍病就係熱病啦 =.=

火車d 冷氣真係有病的，無咩人搭果陣就鬼咁凍，多人到逼死你果陣就風屎都無!! 尋日從旺角搭返上水，我諗不外乎40min 車程左右，唔知咩事架車勁多人，我好彩有位坐，不過原來呢個先係災難o既開始...

我坐果個位係最角落o既位，架車無咩人o既時候其實冷氣係ok 足o既~ 但當成卡車逼滿人o既時間就shxt 啦，dd 冷氣o既感覺都無，仲要空氣極之不流通，再加上唔知點解腳下吹出陣陣熱風 (平時夠冷氣唔多覺) 慘過搭熱狗... 全程車都搭得勁辛苦，氣又透唔到，落車頭暈暈眼花花，尋晚開始頭痛。訓到今朝以為無咩事啦，一行出冷氣房個頭又痛過，結果補唔到習又無左$3xx... 港鐵你賠返比我呀   今日出去食d 野又頭痛，買個送又頭痛，總之一無冷氣就頭痛到爆，唔制呀~~~! >""<

其實之前都試過差唔多o既事件，不過就更加嚴重一d：話說我又好似平時咁上8半(定9半？)堂，火車一定逼到爆，果陣係冬天。我企o係門隔離挨住玻璃o既位，只係上水-->大學呢段咁短o既車程，就焗到我差d 暈低。架車一停大埔墟站我就搏命吸返下新鮮空氣(企門邊的好處...)  但去大學途中都係頂唔順，"mau"低左，有個好心o既先生問我洗唔洗call 車長(我諗果時我面色都應該相當難睇 = =")  好彩我下個站就到，可以唔洗麻煩人地~~  落車果下我先有番自己係一個"人"o既感覺....... 另，當時車上其他有位坐o既乘客係無一個有意願讓個位比我坐下架播....

其實港鐵知唔知有樣野叫做"thermostat"？抑或是佢果個虧的？

早兩日清理房中垃圾... 真係何其壯觀 @@"

雖然執會多左好多位，個房睇落又整齊得多，但我確係唔鐘意執房。
因為... 我需要丟棄一d 曾經好有用、但係而家已經再無用處o既野，又或者係曾經好有紀念價值o既野。
呢d "垃圾"，亦曾經滿載一段段生活片段。

對於一個連相片都唔捨得delete 一張o既人，清理房間絕對係件苦差...

  data sheets of my FYP, filled with raw data

  proposal & progress report

呢度係我讀U三年，用盡最後一年來做o既final year project.....
自問從未如此比心機落一份學業上o既東西度，result 問心，已經係無悔~
但可能係我做得未夠好，又可能係我無研究天份，更可能係我根本唔適合做呢d 野... 總之，研究已經離一切太遠。

慶幸o既係，呢份FYP o既result 曾經o係某science conference 出現過，都算係對我呢一年來無覺好訓o既半點肯定。

  魚糧from Charles

可憐o既小小寄居蟹，都未食完我為佢撲返來o既糧餉，就死掉了....
我好傷心呀 :>__<:
仲記得佢攬住d 糧係咁食個樣，真係好趣緻... 完全無辦法接受一條小生命就咁o係我手中逝去.............

執完房，依然係唔捨得掉左去... (即係又keep 住一樣無用o既野 = =")

  委內瑞拉苦巧克力

今日買的... 零個苦 =3=
呃人的!!  .\ /.

唔苦就唔好寫住bitter 啦，等我買黑朱古力仲好嘛 >___<
不爽..........

雖然，朱古力味都幾濃....

用上Demeter Apple Blossom

再聽著胡楊林的《香水有毒》

確實

別有一番滋味，在心頭。

－－－－－－－－－－－－－－－－－－－－－－－－－－－－－－－－－－

MSL 的人
一個一個都離我而去
七月了  說實的  是我離開這個地方才對

其實有諗過，MSL 係咪同我有仇？
點解同一個地方，曾經最熟悉o既身影，全部都消失得無影無蹤？
我前世係咪o係度做過d 咩十惡不赦o既事？

想挽留o既、曾經挽留o既，走左，頭都不屑一回；
嬲過亦原諒過o既，消失左，一隻字都無留低；
到而家我都唔知咩事o既，依然係唔知咩事，零交流中...

其實我由細到大都好孤癖下...  無咩朋友
不過估唔到係會越來越少
"我接受唔到囉"

By the way
你試過邊打字，邊流淚未呢？

「你的笑容  是我今生最大的眷戀」
                                    《當》動力火車