CK 真係好好呀~~~ >"< 
跟唔到佢真係我蝕左.....

話說今日番LAB 又run ANOVA & 解一解我d graph 比CK聽，點知正經事講左半個鐘，水吹左成個鐘，but 呢個唔係重點

佢話番比我聽，原來早幾日UST 果個prof (我send 野比佢果個) 真係打左電話問CK 關於我o既野 (內容不明)，而且....  仲親自走左來MSL!! @@" (雖然話就話係帶個GUEST來參觀)

我心諗，仲以為佢成10日前send 完e-mail 比我話計下有無錢之後，就不了了之啦，估唔到佢真係有為左我做過野 >"<  (but 呢個依然唔係重點)

重點係.... 佢同CK 話可能無咩錢，但CK 同佢講，叫佢"盡收"!!  我當場感動到死左  /____\ 

跟住果個prof 就話會盡力搵d 錢睇下收唔收到我.... (well... 乜lab o既錢係話搵就搵到架啦?! = =")

唉~~ UST 果邊收唔收就真係聽天由命啦~ 我都無咩期望~~

但CK 真係好好人，好可愛呀~~~~ 我好鐘意我老細呀~~~~~~

我走左之後一定會好好好掛住你架~~~~ >""<

頭痛到媽媽都唔認得... ~_____~

2000-3000字FAA Term Paper...... 個prof. 無跟原本course outline 個日期，係都要我地最後一堂交-->變相早左4日
一個字都未得閒寫過.... 

FYP final paper... data 俱備... 只欠下筆....

星期五就要present o既ARCHI，聽日先第一次見齊晒d groupmates...  兩日ko 一個佔course 50% o既present... um... 真係.... =.=|||

媽呀~~~

比CK召左聽日番去解data 比佢去conference.... 點解而家先至成日記住我？  /____\

尋晚訓左3個鐘，終於ko 左一堆重要o既雜務，功課上o既野幾乎無做過... 

頭  痛足一日

我會撐下去  直到撐不下去。

今晚   傾fish bio lab present til 8:xx pm
同曲松食飯 @ NA CAN
第一次同佢傾課業外o既野  @@"
"追尋自己喜歡的就好了"  他說
120% 認同。

o係趕製大量graph 及presentation用o既powerpoint 下
我可憐o既右手腕終於捱唔住了....  小小咁拉傷左d...
佢o係痛於不痛間  提醒我要好好愛惜自己。

渴望  能坐在大樹下
倚著樹幹  吹著春風而睡
你說多麼幸福

快要連坐也坐不直
有樹相伴  已是最大奢侈。

...我寫不出來。

其實昨晚的話  要寫的還未寫完  也還有想記下的人
這些人  我不知該感激  還是甚麼
給我的感覺  究竟是快樂還是傷悲
我不清楚

曾經真正忘卻苦惱  真正開懷歡笑
那麼最終的失望  又是甚麼？

到頭來  一個字都寫不出

心裡的話，誰能竊聽？

送舊晚會  一切都這麼短暫...
就如year 1 的快樂時光  轉眼就過
似乎還有太多的人  有太多的話未說

我瑟縮一角  害怕每一句由衷的快樂
每一句心底的無悔  都在扭曲我脆弱的情感
我不敢破壞這種依依不捨的氣氛  因此獨自坐在角落  掩飾那份隱隱的心痛

自從year 2 開始  每一天都在痛苦的度過
每天最渴望的  是畢業那天可以離開這一切
摧毀我的  是一度最信任的朋友
支撐我度過每天的  也是可愛的朋友們
失去你們  我將失去每天工作的動力  失去大學生活僅有的趣味 
我後悔選擇了這裡  卻沒有後悔認識愛惜我的你們

我永遠都記得腸胃炎緊o既阿齡，半夜三更都o係msn 開解我，tum 我開心，即使你途中突然消失左十數分鐘去toilet...；
仲有成日話自己好煩o既聖雲，你講o既說話絕對令我呢個鑽緊牛角尖o既死牛一邊頸，矛塞頓開；
茶茶，雖然我硬係好似無同你講過d 咩咁深入，但我總係覺得你會明白我好多，身邊可以坐一個就算無言都勝過講千言萬語o既朋友，真係好好好幸福；
點會少得只要得閒都會隨傳隨到o既Johnny，我知我比左好多shxt你食，黑左好多次死人面比你睇，但你從來無怨言過，仲要倒番轉頭安撫我，陪我飲酒食飯吹水，我只可以後悔點解無o係你面前痛痛快快咁喊一次；
Amy lam、孖女同kaidy 帶比我好多無憂無慮o既快樂，每次見到你地我都笑死左，開心其實可以咁簡單；
Christine 你知唔知，你o係我做lab 做到就痴線o既時候，走入黎lab 同我講o既一句"加油"，係我呢世人聽過其中一句最窩心o既說話......
仲有好多好多事，我會記得，我會半夜諗起就傻笑，我會得閒就拎出黎同人晒命，原來都係你地帶比我架...........=']

對於果d 造成傷害o既人  唔值得想  唔值得念  但一定值得學
始終都教識我咩叫"醜惡"  原來世界唔似我想像般美好
我恨你  卻謝謝你

"我是一個怎樣的人"  o係每個人心目中可能都有唔同睇法
不過我好後悔  用左好多好多虛偽o既笑容  狠狠地欺騙左大家兩年
如果你們睇到呢度  心寒了  我想講：
「真的真的對不起...」

我的心靈依舊脆弱
我的生活仍然需要你們支持

畢業了
但願你、你和你  永永遠遠不會離棄我這個麻煩的老朋友。