今朝同Tracy佢地落左去麥記早餐,食完野先番大光~佢地個個都點左扭扭粉,

後尾全部都話唔好食wo,哈哈~本來我都想試ga,好彩我冇點到o者~

去到西貢~好鬼死無聊添,佢地一時話行山,一時又話打波........搞黎搞去先過左

果一粒鐘,仲有成幾粒鐘wo,點過呀~ 我索性坐o係個亭度望住個海晒太陽,好舒服

懶洋洋咁,勁想訓晏覺~ 同jo jo傾左好耐計,好多野講=^.^=

之後呀哥過左黎,我拎左佢部psp黎聽歌仔同打機,都總算有番d"世藝",唔使咁悶~

好辛苦咁,終於熬到夠鐘,可以走la~上到車好累哦.....一陣間就訓著左啦~

落車之後同偉哥,tracy.得塋.david.呀牛佢地搭車去旺角果間漢陽苑食自助餐~

不過張檯book左o係6點鐘,仲有好多時間剩,於是呀牛就提意去機舖打陣機先~

點知去到有人查身份證wo,我又咁o岩冇帶到,so唔比入><...........唔制呀!!!david

佢都未夠稱,唔入得~結果我就同佢同偉哥o係出面等佢地la~

打完機又去左冒險樂園度玩左一陣~哇...d呀嬸好恐佈呀!!!o係咁o係度拍d機,整到砰!砰!

聲,d職員竟然唔理wo~真係睇到我O晒嘴ar....=.=

去到漢陽苑,好冷清呀~全場先得我地一檯人,搞到好似好異族咁,可能我地太早到la~

偉哥佢地拎左好鬼多野食, .....點食得晒呀~跟住食食下幫個鐵爐加油果陣,突然搶火wo,

哇.....好得人驚ar,嚇死我la~勁搞笑!!!最衰當時唔記得左影低佢,好可惜添~

呼......食到好飽呀~肚腩都凸晒出黎lu~坐左一陣,跟住就埋單走人la~

番到屋企,電視都唔睇就即刻上床訓覺lu~因為真係好累ar......