呢幾日都好凍呀.....搞到我連街都唔想出lu......全日都呢埋o係屋

企度....但係又好悶wo,o係屋企都冇野做,細佬同呀哥仲未放假,得

我自己一個o係屋企,嗚....就黎悶死la!!!!><"

再過幾日就係新年la,好野!!!!^^,今年會番鄉下到拜年呀,嘻嘻....

好開心~舊年冇番到去,結果過左一個十六年以黎最寂寞o既新年,

超無癮!!我決定左la,以後都唔會再o係香港度過年ga la~

講起過年....係la!!!!我仲未去買衫呀......唔得la~聽日要出旺中

至得,如果唔係新年果陣就冇新衫著ga la~>.<

係wo....計計埋埋我都有成年幾兩年冇番過去la wo~唔知大家

變成點呢?上年大姊姊佢帶左佢男朋友番黎呀,我冇睇倒真係好可

惜呀!希望今年佢都會帶埋男朋友番黎過年la.....真係好想知係點

o既樣ga~

唔知道魚仔佢變成點呢?係咪仲好似以前咁高高瘦瘦呢?希望番到

去唔會突然聽倒佢結左婚la....不過佢今年都廿二.三lu~就算係都

唔出其呀,果度d人咁早結婚~如果我依家仲o係果度住,話唔定我都

嫁左人lu~

嘻.....比佢知到我番左黎,唔知佢仲會唔會好似以前咁每朝早o係同

一個地方度等我呢? .......好懷念同佢一齊睇星星o既果晚呀!!

係la.....彩虹,華忠,華林佢地應該都已經高中畢業la~而且話唔定都

已經出左黎做野la,今次番到去要搵佢地玩至得~呵.....依家諗起都興

奮呀!!!好掛住佢地呀!!真係想快d番去呀~^^