@澳門最後一日先決定食呢間既。
事關我地搭十二點半船，根本食唔到下晝o個餐，唯有到四季再解決。

其實我地點半先去到。首先將行李暫託於禮賓部，
然後再搭Lift，等檯（閒日都要等＠＠")，再要於兩點半Last Order前叫野。

首先叫左個大紅袍@茶。唔好講笑，飲落嘴度唔鞋口，幾清、醇。
之後叫左四個菜*
雲帶玉梨香 - 入面啤梨 & 帶子層次分明，感覺清爽，
　　　　　　同埋最重要係唔油之中帶酥香（因為係炸物黎），
　　　　　　作為開胃既Snack都OK。
黑松露雜菌百頁結 - 細細幾片黑松露都好貴Gar@@"
　　　　　　　　　雖則隻味.....Sori，我真係唔識欣賞，
　　　　　　　　　不過吊落菇味同埋百頁結都唔錯=)我都掃左唔少*
金瓜鼎湖上素 - 相比起之前講既菜，呢個比較中式同埋爽。
　　　　　　　南瓜既果肉勁綿，配埋黃耳呢類咬口蔬菜，兩者口感得到Balance*
鴛鴦o者o者雞煲 - 田雞同普通雞既混合體。
　　　　　　　　個Sauce同椒蒜惹味到平時唔食田雞的我都食左兩件。
龍景軒炒飯 – 點題招牌之作，無論海鮮蔥花定飯都好爽兼且炒得乾身，
　　　　　　 個味Arm Arm好唔太鹹*

之後又四個甜品* (連埋那個附送的Petit Four係五碟／碗野。)
南北杏燉津梨 - 如水透明但飲落去係有韻味，又唔係一陣風Bye Bye那種。
生磨蛋白杏仁茶 - 杏仁味出之餘你會Feel到蛋白層紗般既質感*
楊枝甘露 - 因為食過唐閣既(連價錢都貴到抽筋""")，所以叫左一個黎比較，
　　　　　下層竟然係芒果布甸Lor唔該~用佢黎補甜品既Creamy度，
　　　　　價錢亦只係佢既一半多少少，服了。
Petit Four - 合桃酥興趣唔大，但紅豆糕唔甜之餘同椰汁層次分明，唔錯丫*
　　　　　（食完之後唔想食西苑既拜年椰汁紅豆了@@”）-> 原來要食夠條數先有Gar*

服務一定有返咁上下，見到唔夠茶時會自動幫你斟茶(因為個壺@唔o係檯度*)
埋單嘛，算啦，真係偶一為之好啦，雖則千三蚊For四個人係好飽……”