難得老豆放正日，一家人，點都想食餐好既。
可惜中秋節正日真係好難搵位......話之你已經一個星期前預備。

咁o岩呢間有Coupon，又Book到，咪直接呢間Lor。
Window Seat（間野位於文化中心，如果Window就維港，個景正到丫@@")當然冇我地份啦
（大檯之餘相信都係一早Book定@@")，不過都唔算太入既......

Btw，我見到好多人都食呢個餐@@"
寫返自己食過D咩啦=)

金湯海鮮燕窩羹 - 雖然明知唔會係點貴既燕戔野，但係感覺佢都有口感 + 相當份量*
片皮鴨 + 薄餅 - 塊餅老豆就話係咩「饃饃」，但我感覺似可麗餅多D@@"
　　　　　　　 鴨皮肥得黎唔算太膩，食多幾塊都仲得^^"
　　　　　　　(鴨殼如果俾我的話一定炒鴨絲=)不過現實當然俾左長輩煲粥啦=))
花枝帶子蝦仁 - 個菜食落去味幾清，花枝片有口感得黎都唔算好韌，不過略嫌份量細左少少@@"
鮑魚菜膽扣鵝掌 - 剩係食左少少，不過金元鮑尚算入味*
清蒸老虎班 - 條魚蒸得OK，起碼未有老既情況，
　　　　　　不過分魚既切法（打十字分開四份@@")似乎......"
　　　　　　Anyway，我只係留意個蒸魚豉油同埋魚面額而已=)
蟹肉扒翡翠 - 又係食得比較少既一碟菜，蟹肉獻的確係少左D，但菜同菇都唔少Wor*
　　　　　　如果留心D睇，隻獻係有兩隻色Mix埋Gar*蟹肉獻係面，蠔油獻@底*
干燒伊麵 - 出事啦。唔係因為唔好食，而係我食得喪多。三四碗Lor唔該。
　　　　　佢熱辣辣唔特止仲要好入味Lor唔該。再+埋鴨片同埋魚豉油，即場Crazy。
椰香紫米露 - 未見過咁白既紫米露，唔駛下文都知Creamy都七彩。
　　　　　　甜就唔甜，不過個紫米味唔特出Lor@@"

服務OK，可能因為忙既關係，經理唔點理D客，但係Waiter都幫得手既。
雖則要靠個鏡反射先見到煙火表演＠幻彩詠香江，但係Overall都還可以*

同佢去沙田行街，諗住十居其九「新城市」KO，點知搵唔中野食。
結果俾左兩個選擇佢 - 九龍塘既「八月花」同呢間。（我話要食中菜嘛。)
點知「八月花」六點未開，反正都係美心集團，都係返青衣食再去葵芳「滿記」......

佢話隻餐前秀珍菇唔錯，而我則叫左香片......都OK濃，不過寒無端傻左打瀉杯茶，
結果勞煩人地去抹......(可能冷氣夠凍既關係啦。好快就乾啦。)

金蝦海皇翅適時做半價，叫左兩碗。
之後仲叫左個彩椒炒鴨胸、金沙脆豆腐同埋金銀蛋浸莧菜。

金蝦海皇翅：小巧精緻。隻蝦點綴得黎OK大隻，而竹笙同翅都Pieces細，唔駛點o趙.......
　　　　　　仲有下面既蒸蛋白，襯埋琥珀色既濃翅羹，味道中和番。佢仲拎黎撈飯，
　　　　　　豪氣得黎又多樣送食。

彩椒炒鴨胸：夠鑊氣，椰菜夠爽，不過見有黑椒唔出味，鴨胸OK但易凍@@"(冷氣累事?)

金沙脆豆腐：蒜椒粒蓋晒小粒炸豆腐，趁熱食係可以既＊

金銀蛋浸莧菜：可能有湯浸的關係，夠熱而且菜腍，
　　　　　　　蛋方面份量適中，不過建議用隻羹「畢」會好d=)

另外仲叫左個擔擔麵 - 花生味濃麵夠爽但唔辣既@@"

服務還可以，但可以更主動*
埋單$3___，不過比起朗豪粵江春，呢間好似好D Wor。