尋晚温到四點,救命!!!今朝飲杯濃茶頂住

      語文温咗6個鍾,地理温咗20分鍾.

但係今日語文考得唔多理想,唔肯定攞8字頭,

地理應該有9字頭,唔值!!!

P.S : 離重要日子仲有1個月1日

      點解咁快寫diary呢?原因係就嚟考講la!所以可能冇時間寫嘢...

更重要嘅係今日發生咗一件恐佈嘅事!!!!!!

簡單講一吓:

      花子終於忍受唔到everyone嘅"正常對待",小din同佢講兩句嘢

佢就"問候小din嘅母親",小din輕輕撞佢一吓,佢就用勁大カ推小din,

咁樣就激嬲小din,小din咪扯起佢件衫,兩個人差D就打交ar!!!

      今日下晝最後一堂地理堂,花子被唔知邊個罰佢做14日值日生,

仲有被唔知邊個(我知係who)將幾條白色粗條膠紙貼喺佢背脊同臀部,

sisi好心幫佢整走佢la,佢竟然話sisi搞佢!!!跟住將背脊D膠紙掟sisi,

又話sisi亂掟垃圾唔罰值日!!!sisi好唔開心囉!之後無啦啦癲咗咁用力

揼張枱喎,大喊同張自信講要炒咗sisi,張自信話:「我冇權炒佢!」

超搞笑!花子不斷喺度發癲,平時扮哂惡嘅張自信都驚佢ar!!!大喊完

之後又傻笑又大喊,so crazy!!!sisi被花子屈忍唔住喊咗出嚟,花子

竟然喺度大笑!!!勁想打佢囉...放咗學我攞張課室日誌畀鄭老師簽名,

鄭老師叫救命,花子嘅阿媽煩佢,花子又有問題,so scary~

P.S. : 我未見D咁嘅人!!!!!仲癲過馬錦標!!![精神極端]

      就嚟考試la,好緊張ar!唔知everyone有冇同感呢?

      星期五俾Miss Tam屈我出貓,so badly~我絕對唔係d咁嘅人囉!!!

好在佢都知係一場誤會!

      尋日返到嚟食完嘢就瞓晏覺,一瞓就瞓到7點鐘,勁爽!!!食完飯就睇

"翡翠歌星賀台慶",今年fifi冇份岀席,不過Mandy有去到,好過冇ar...

fifi今期Monday係封面Girl,so great!!!勁索ar!!!!!

上網上到凌晨3點,好攰...有個video超正!!!係我最鐘意嘅Hip Hop!

不過d人冇跳breakdance.

      今朝打波,8點打到12點,去聚龍飲茶,{正}!!!

     連最後嘅語文小測都測埋la~可以暫時鬆一口氣,趁重陽節

嚟個大叉電!!!

     10.28

      嗰日肥亮求我夜晚出街,點知佢其實想約嘉欣姐出街,仲叫

埋阿雞、靜文同茜茜去,結果我同蕭偉皓去到肥亮屋企,阿雞打

嚟話太夜唔去喎,茜茜驚肥亮食咗佢,朝早學都冇返,靜文喺人哋

屋企打邊爐...so badly~最後三條麻甩佬喺北區狂兜圈到十一

點。

      10.29

     朝早六點鐘就起咗身,去林茂堂打波,早餐都未食,一打就打到

成十二點,散哂~食完lunch就瞓晏覺,瞓到五點鐘。一公升眼淚勁

感動,繪里香索爆!!!

      10.30

      十一點起身即刻做功課,做到三點半就同小亦去影印文學,

順便去埋街街,行到義字街見到Tracy、小蕊同容耀文,跟住同

小亦逛地下廣場睇衫、戒指、頸鏈同鏡,so now~行到運

順樓下又見到黄毅文同小熊維明,than我同小亦喺海邊睇日落,

超多人喺度釣魚,一釣就有幾條,勁!!!食埋壽司同魚旦先返去,{正}~

P.S : 肥亮同S!U MAN嘅diary close咗ar!!!so badly~

      "即使我每天也愛着她,但她依然忽略我的存在"

      每日都係搭巴士,返到學校避過大陸佬,上堂,放學,返學,

上堂,又放學,返到屋企做功課,温習,瞓覺...每日重複做埋依啲

嘢,連感情寄託都冇埋,其實我仲有咩生存意義?...

      原來聽日係小晴晴嘅生日,我可以忘記得一乾ニ淨,以前嘅我

係絕對唔會忘記ge,但係今日小晴晴屈我送嘢先有啲印象,駛乜送

俾佢ar,有輝哥送咪得囉!(其實係唔捨得用錢...)

      而家啲fd,有拖就去拍,每日都見到幾廿對,講真ar,有時都會眼紅...

      生活得好辛苦ar!!!已經冇我鐘意嘅人值得我去生存...