今日突然想講下我幾時開始打機等等既野

我記得第一隻online game係魔力寶貝,果時我得小4,係同學介紹俾我

我去7-11買左隻碟,安裝完之後唔識點開始...咁就放棄左.....

到左小五定唔知小6,玩童話online  同張其講,招招,曹嘉祐等  一齊開始玩童話online

果時班入面大約有成60% 既人都玩童話

一齊升級,打寶,打怪....好開心好開心

果時開始沉迷打機....一返屋企就即刻開電腦,玩童話....(依家好左好多)

考試都係前幾日先開始溫....(依家都係前幾日先溫..)

我仲記得第一次用真錢買 寶物卡既過程....

果一日,張其謙同幾個朋友都問我買唔買寶物卡..(果時$8 一張)

咁我就話好,我買2張啦!

點知見到張其謙好似傻左咁買左1盒-口-(25張 $200)

我當時覺得佢痴鬼左...

玩玩玩...童話開始玩耐左,角色開始勁...咁就想買寶物卡,加上張其謙等朋友又叫我一齊買,

咁我就買左1盒,其他人都買左1盒-口-

之後轉左好多隻online game

中一,中二,中三,都仲有打機

不過依家中三都冇咩點打,因為唔知點解對打機果種feel淡哂!

依家再玩返童話,都有返小小果種feel.....

今日打住咁多先...聽日再打....

http://www.youtube.com/watch?v=jZZxqzjUIzE

送俾你地慢慢睇,睇左會好開心