以下節目部分內容
涉及血腥場面
只適用家中成年人收看
今日去左 Smile 度開第一次刀.........其實全日都唔驚
但一入到去診所就驚到 PK .......基本上全個療程我全驚就係剝牙
今次剝右邊 3 隻......即係先甜後苦，因為左邊嚴重 d ....（咪住！真係「甜」？？）
打完麻醉針右邊面，眼部以下都冇晒感覺......feel 到有野掂住，但 feel 唔到痛
跟著醫生就開工喇......一路聽住 d 聲真係好恐怖，有 d 好似電鑽咁 ge 野
又 feel 到佢好用力咁扯我隻牙出黎，雖然唔痛，但我話我唔驚你信唔信？？
45 分鐘就搞掂......好多血  佢俾返 d 牙我......
 （一早話左血腥架啦~~=V=）
由左至右數起：下顎智慧齒（一分為四）、上顎犬齒、下顎小臼齒
我都唔知佢點解可以將隻智慧牙斬開四份~~依家果個傷口聯左針
中間個隻最大，有 2.5 cm 長.....大家可以想象下我個傷口有幾恐怖.....
做完之後兩粒鐘都未止晒血，唉！！！！！！
其實呢一刻我係痛到 PK.......我好眼訓，好 tired ~~但痛到訓唔著
我已經食左止痛藥...........都痛到乜都唔想做......
好辛苦呀！！！但只係岩岩開始..............
|
