又應某人要求打日記，唯有打啦 =^=

星期二佢地去晒 Ocean Park，好似幾齊人，我無去添 ......

唔聽佢地講都唔知原來 Charles 玩得咁癲~~

係咪將平時 ge 沉默一次過爆晒出黎 ~~ =V=

而我就晨咁早起左身，先去沙田 and then 出發去東涌~~

坐昂平露底纜車，佢話想睇大佛（我都未去過），諗起條樓梯就.......

好彩早去，如果唔係等死人！

 ↑ 露底水晶纜車 ........

如果可以少 d 人一架車就好 ~~我想「大」字型訓響度影相 =V=

 望住下面 d 景，個 feel 真係幾正幾舒服 ge~

落左車去到昂坪市集，冇乜特別，好細.......十分鐘行完~~

Chaquelin 竟然響呢度搵到自己同鄉，內蒙？？真係巧合~~ =-=

                                                                                                    ↑  心口都有隻馬騮

之後去左 Po Lin 寺，仲有大雄寶殿...........

對我地黎講都係冇乜野好睇，都唔信佛，響個度又嚴禁食肉 =^=

跟著終於去睇天壇大佛，真係好鬼大，條樓梯都好鬼長 =^=

  ↑ 全世界最高的青銅佛像......with 最長的樓梯 ~~~ 唉！！依家先知原來我係畏高架囉~~

 ↑ 差 d 搵唔到我響邊囉 =-=

行完大佛都仲係好早，就順便行好遠好遠睇埋個「心經簡林」

初頭都唔知乜黎，原來每條柱都刻住 d 字

所有柱就係一篇經文......空不異空空不異色 色即是空空即是色  個篇~~唔記得叫咩名 =2=

就響呢個時候，我地唔小心跌壞左部相機...........鏡頭走晒位囉~~

之後就冇再影相喇 ~~ 用手機影左囉~~唔擺喇.......唉！真係好對唔住

食個下午茶閃人 ............

最後返東涌行下個名店倉.........全部都係 outlet ，真係好鬼平~~

我竟然買左件粉紅色恤衫 =0= 又迫我洗錢，兩個都破產喇，哈哈~~

So tired ~~~

___________________________________________________________

呢幾日俾天文台玩死~~ 又話 14 號雷暴，好彩冇雨 o者！

話 15 號好天，點知最大雨係呢日~~

諗住 16 號又出去玩，天文台又話雷暴..........點知好好天 =2= 唉！

跟著返左學校，六點走人，行到去第一城半路落雨囉！！

響公園避雨，坐左好鬼耐 =2= 可憐~~

____________________________________________________________

Yeah ！！終於有工返喇~~！

四五月唔怕冇工開 ~~ 太好喇！！我寧願忙 d ~~