[from discuss hk]

小弟今年係紅色大學畢業，讀Accountancy…

前幾年BBA真係好吃香，因為IBANK以前經常請BBA學生，打造BBA畢業生一畢業就坐享數萬月薪既錯覺…但自IBANK成為歷史後，今年BBA畢業生其實係最慘一群，唔係佢地本身能力低，而係所學根本無用，不切實際，BBA好多科例如MANAGEMENT、MARKETING、FINANCE…呢D科目根本不適合無工作經驗既學生讀，因為大多數都係讀THEORIES，如果無工作經驗，根本唔會用得著。

你讀完3年，人地EMPLOYER都唔會因為你讀完就覺得你可以即時做到MANAGEMENT既級別，亦都唔代表你讀完MARKETING就可以為公司PROMOTE新產品、策劃市場導向…我D讀MARKETING既同學出來都係做PRODUCT SALES…讀FINACNE既，大把人可以讀其他學系再報CFA，只要PASS LEVEL1，入面既野已經係你三年既總結，即係話人地有佢自己本身學系既知識(e.g.COMPUTING)，再加多你擁有既FINANCE知識，但你就唔識寫PROGRAM，我係銀行或基金公司，我實請佢唔請你，因為佢可以同我BUILD個火箭 MODEL幫人賺錢…我可以同你地講，而家香港既FINANCE只係剩下SELL保險、基金既工種俾你，想入銀行？做TELLER？不需大學生，做分析員？大把美國火箭專家被炒後來左香港同中國…經驗、英文勁過你地百倍…無行！！

咁會計又點呀，應該係最實用同technical喎…無錯，係BBA當中，會計係最有用…但想成為一個出息會計師係好痛苦，最好入BIG4由AUDIT做起(因為第時可以做practising CPA)，今年人工係$10,000-11,000，唔知有無再減，唔係BIG4既，又想由AUDIT做起，唯有到其他2nd tier 既firm或LOCAL FIRM做，日日OT，無夜晚10點唔使走，但我而家叫價$8,000、send出cv 3-40份都無人so我(我GPA係SECOND UP)……但如果你讀一d工科、computing、medical個類，好多起薪係$10,000，呢個係事實，因為我地大學生有個聯網搵工，睇到哂其他field既請人情況。

如果你地唔信，可以到各行各業睇下related to BBA科既行業，你地就睇到而家既慘況，唔好俾上年或幾年前既BBA入學成績吸引，個D係泡沬做成，而家個泡沬而經爆左，如果你地都仲未睇到又盲鐘鐘咁入左去，真係GOD BLESS YOU！因為讀BBA既人已經過剩，好多讀ASSO既都係讀商科，跟住轉升DEGREE讀BBA，呢個又係事實，我三年既大學生活，我每一科每一堂都充斥由副學士升上來既同學…佢地佔左每科5成…

最後一個由各行各業睇返來既例子，一位係AL 考幾條A既朋友係三年前入HKU BBA，當年可以揀dentist，但最終都係揀左hku bba，今年畢業就失業，但當年比佢低分既同學入左nursing，未出來而經搵到工，月薪萬幾，佢係各行各業伸，點解自己當年咁stupid唔揀dentist……考咁高分有咩用… 另一位人兄係cu讀acct，都係今年畢業…佢開$7.5k先有cpa firm請佢做audit…真係

如果你話為興趣，forget it！！對從商有興趣就應該自己創業或早d出來工作，拎實戰經驗仲好，當你有左經驗再讀返個MBA會更好。讀其他專科學系出來既畢業生一樣可以係公司做manager，而且有專門技能個種…BBA學生你地又有咩專門技能？

所以大家真係要諗清楚先好揀BBA…BBA真係無咩實用性…

__________________________________________________________________

睇完真係灰 =3=

我要學好 d 數學先得 =-= 揀下 d 同數學有關 ge BBA 科目 ~~！！唉......

各位同學仔睇下呢篇野喇..........