終於過左成個實習第一個非常重要 ge 日子：五常法協會 d 人黎 audit
話說我 7 月 21 日朝早返九點
一路做做做..........做到未夠六點，Calvin 哥準時走人
得返我同 kid 權繼續做，老闆話佢呢次都碰左唔少釘 =^=
八點幾食個飯又繼續，等 G03 收左檔之後將大半個 office 搬左落去
由一間餐廳變左地盤同寫字樓 ge 混合物 =-=
一路做打手，打標籤（佢地即叫我即打），打總表，print 野，過膠
中途好彩 Jimmy 哥買左個蛋糕仔，同幾個大佬去 7 仔買野食
成班開枱食通宵不知幾過癮......不過成晚食二手煙你都咪話唔過癮 =3=
最後獨力連五常法博物館都整埋......老闆仲話做得好，成個 copy 去 G02 間鋪 
做下做下就 7 點幾，整野開早餐檔，我返上 office 歇一歇
排好 d 凳訓覺，訓左兩粒鐘幾，十點幾落去新旺記（S02）食早餐
成班同事知我通常都話我痴線，冇錯，我係傻架 =V= 乜有得我唔通頂咩
叫左個麵，準備起筷又俾人叫左上去打最後一輪標籤
話等陣要拎走部標籤機喎，趕頭趕命之際，最後原來係一場騙局 
湯麵都變撈麵........食完個早餐又繼續做做做~~ 做到 3 點
五常法協會 d 人終於黎認証.......搞左一粒鐘，可以休息下 =3=
中途都發生左好多走鬼 ge 事 =V=
休息到 5 點幾去南豐金滿都聽結果.......好彩兩間都僅僅 pass
做錯左個 d 都唔關我事架 
最後臨走康哥仲話要表一表我（唔好讀錯 =v=）
成枱都拍手話我做得好，真係辛苦都抵，終於都有小小地位 
溫小姐一聽到我係黎實習 ge 就問我：「係咪恒商架？」
證明 S. Ho 人臉幾廣.....不過阿康話：「上堂何教授一講野，我就要拎部 PSP 出黎」
吹脹............
由 7 月 21 日 9am，搞到 7 月 22 日 6pm ........終於可以俾我沖涼刷牙
多謝咁多位大佬賞識，小弟並非人材，只係木材一條........=V=
|
