Happy New Year & Happy Valentine's Day

但 2 月 14 同 2 月 18 都係自己一個，真係有 d 可惜 ><

久違 ge 日記，有時候打日記比起 facebook 更加好

始終係屬於自己 ge 空間......

上一次打日記已經係生日 ge 時候~~

基本上都冇得閒過，唔係返工就返學，做其他事 ge 時間已經少左好多

原諒我 ~~

究竟我依家係投資緊定係浪費緊，真係將來先知~~

學業一個 sem 比一個 sem 差~~ 唔好話我串

要高分唔難，但自己學成點我自己知.........代價

又係報大學 ge 時候~~ 睇下上年呢個時候 ge 日記

好明顯我係自信心爆棚~~諗到自己好似想讀咩就讀咩咁

唔同 ge 時候睇返以前同一篇 ge 日記，的確感覺好唔同......

d 人話我勁，我用一句井底之蛙黎回應；呢句說話應該都需要同自己講

每一次自己就係衰太自信，冇一次真係可以虛心去做一件事

今年又睇下點！唔可以冇期望，但我真係唔敢有期望......

___________________________________________________________

忙還忙，忙裡偷閒都應該 ge =V=

sem break 個陣 Chaquelin 阿媽黎左香港旅遊.........

人地都知我係乜水，禮貌上都要見下人地 ge ~~真係好緊張架

又係迫住要講普通話 ge 時候........進步左好多架喇 ~! ! !

帶左佢地去星光大道睇幻彩詠香江同去左山頂蠟像館........

都算交足功課啦 =V= 送埋佢走，有機會我都想去北京玩下

趁有時間好週圍去下，呢句講得冇錯.........

____________________________________________________________

過年，個個都去拜年，逗下利是，我就留響屋企戇 X X 咁

仲要撞正情人節，都係自己一個....so sad ~

仲好記得上年情人節自己做過 d 咩   賣旗 同埋..........=V=

年初一都唔駛拜年，係咪我家 ge 問題......阿爺無啦啦走上大陸

我想上黎探下我阿麻都冇機會.....另外唔多想見 ge 親戚無啦啦又話上黎我度拜年

唔好玩我啦，逗利是我已經唔志在 ~~

不如快 d 返學啦 .........唔想煩~~~ 完全浪費左呢個假期

____________________________________________________________

今年都識左唔少朋友仔 ge ~~返學打波 ge，返工 ge ~~

都過得幾開心，新一年 keep 住！

____________________________________________________________

Anyway .........都係突然感慨同埋心情嘛嘛地先上黎打下日記

鬼唔知我想 keep 住打返~~ 得閒實會咁做..........

新年快樂！！！！

祝男士虎虎生威！鞭鞭有力！( By my Dad =V=)

祝女士虎背熊腰！ ~~笑死我

_____________________________________________________________

拎 Scholarship 同曾司長影相

之前收到 ge 生日禮物，仲未 up 返 d 相

 
我阿媽 ge 傑作 =V=

仲有好多相~~不過太眼訓~~遲 d 先啦