都有一段日子冇打日記，其實都冇咩野好記

日日返學都係做功課、溫書、補習、訓覺.....

自己都覺得悶......二零零七年就咁過左去

二零零八年，呢晚估唔到係做住功課咁樣過...

去左佩穎屋企，佢搬左屋咁耐都未去過......

同佩穎，阿花，賽仔，kid 權，謝慧嫦都黎埋就好喇！哈哈

倒數，冇咩感覺，響度諗返過去呢一年發生過 d 咩事

好多好多，好想打出黎，但呢一刻個腦好似空左咁.....

有無數 ge 野想講，但有 d 野好似唔講得咁......

呢一年對我轉變得最大 ge 係「朋友」.......

上左 A-level，感覺就好似冇咩固定 ge 朋友咁

以前個班都四散，就算見返，話題黎黎去都係讀書，自己都覺悶

數落響 7A fd ge 都係 Don....話晒商科都得兩個男仔

好想咩都可以大家講，但係感覺始終怪怪的

加上成年 ge 是是非非，搞到我 ge 角色好似可有可無咁.....

哈~~太卑觀.....可能太過武斷，但至少我係有過呢種感覺

唔知係咪預科班 ge 特色，除左讀書就冇野好做.....

俾隔離班話我地經常 invisible，有點唔 happy，但其實係不得不承認

初初開學難聽 d 講好似係大家借個課室黎讀書，其他野唔駛講

就連人丁單薄 ge 商科，相處起上黎都........

同隔離班 d 男仔玩仲開心，但始終都係隔離班....

有時忽然會諗，朋友 ge 數目會唔會一路遞減....

which is 對我黎講最重要 ge 野......未免太卑觀.....

之前書介個本書，入面有一句：

「對方是會改弦易轍的──但你自己要先做出改變。」

會唔會係我 ge 問題？我知我性格係有點乞人憎 ge ~~

直腸直肚，串到冇人有個種.....好似淨係識怪人咁

謝慧嫦受害最多，呢度一次過道晒一年 ge 歉.....

所以我 feel 到有人唔 like 我，都唔係太出奇.....

直係因為咁，我先對自己有呢種「可有可無」ge 感覺......

希望睇緊 ge 你唔會咁睇我

改變下自己都係我呢年 ge 期望........認叻係唔可以認一世 ge ~~

今年最可惜 ge 就係冇行毅行者，初初覺得唔玩都冇乜所謂

但見你地行完之後，又有 d 後悔咁.....後悔都冇用

問我點解唔行，又答唔到，腳傷？？藉口.....最後我都 invisible 左~~

其實打完一大堆野都唔知自己想講乜.......

希望 A level 完日子會過得好 d .......

可以陪返屋企人多 d，仲有謝慧嫦都係.....

新年快樂...