初二上左博康村拜年，公公對 d 魔術好有興趣，哈哈~~
有個表妹就黎會考，幾個老表 d 話題變得好學術囉 =2= 輕鬆 d 啦~~
我又將我 d 計數機 prog. 絕技傳授左俾佢.......我都係靠佢架咋~~
唔好再問我數喇！雖然我記得當年年初二我都係做緊 math.功課（crazy =V=）
阿媽又響洲際訂左個蛋糕........不過今次嘛嘛地 ~ 上年果個正好多！
 
（↑ 今年的） （↑ 上年的）
十幾人份量........我都唔知幾多磅喇~~ 年年都訂一個都幾過癮..........
同曾表妹吹吹下水發覺，原來好多人我地都識...........世界真係好細~~
___________________________________________________________________
初三又上左表姑姐度，初一上去摸門釘，一定要逗返 d 利是！！
今日先知原來我有個表妹未見過，真係唔講都唔知，仲要已經咁大個 =0=
 
（好 cute ~） （ 唔好誤會！右手邊那位唔係佢娘親，係小弟娘親 =-=）
跟著數下數下，發覺原來我 total 有七個表妹
at the same time，電視播緊鹿鼎記 .........小桂子有七個老婆
我娘親：「小廢紙有七個表妹」~~ 我俾你吹到脹一脹 
and then 夜晚去左蘿白屋企玩，住左幾個月，算係新屋卦 ......幾靚幾舒服
打麻雀，好黑仔囉 ~~ 食頭糊黑足成圈！！！好彩後尾發力都係輸 $ 30 o者
悶得制，5 條佬去左上水網吧......（蘿白唔去，ani 搵佢夾 band 咩？？仲要朝早夾，好早=-=）
其實係我第一次去網吧囉！我 ge 第一次就咁俾左四個男仔~~ 唉 =^=
都係玩 CS ~~ 我承認係鳩左少少..........打到半夜四點走人
返到去特登唔 sleep 住，因為我弟弟五點鬧鐘就會響 ~~
咁 q 早去划艇，都癲癲 o地 ........我五點幾訓覺 ~~ 好很累啊 .........
今日乜都冇做過，夜晚做 gym ~~ 聽日開始同杉 & 麥檸重投聯和墟 ge 懷抱 =V=
匯豐 ge 朋友，好好享受埋呢幾日假期............努力工作！！！！
而我？？............如果一切如我所料，現在失去 ge 並唔係 d 咩損失~~
祝我好運 ~~
_________________________________________________________________
連續兩日發夢，少有少有..........內容一點都唔記得，只知自己發過夢
同埋知道兩日夢見到兩個人..........究竟係邊個呢？？好巧恰！！ 夢真係神奇
不過我都係喜歡實實在在 ge 感覺~~ 一切從現實開始比較好
我講緊乜？？我都唔知囉~~ =V= 奇怪奇怪
更怪 ge 係，我現在係回憶緊？定係享受緊？
__________________________________________________________________ |
