今日，一起身都點幾鐘la，天氣冷真係令人好好訓丫，訓醒左之後就打比阿芬la，約左2點幾出尖咀，我地一出到去就去左sogo la，我仲買左play boy手鏈tim，之後仲買左d野比婆婆食，阿芬就買左隻鞋，我地用左太多時間響sogo la，所以之後我地就去左重慶站行，唔知係唔係因為第一次行呢，我地行左好耐丫，其實都唔係好多野睇架咋，之後我地就去左lcx 行la，不過都係冇收穫，行左一輪之後，我地就去左搵小敏，去到佢有客wo，所以我地就響門口扮睇野la，點知佢雖然睇我地唔到wo，等我地行開佢先知，我地見佢有客，就去左第二度行左一陣，之後就去搵番佢la，仲響佢鋪頭影左好多相tim，好得意，好好笑丫，我地玩下玩下就去左好多時間la，6點幾阿細同阿欣就到la，我地hea多一陣之後，就去左重慶大廈食咖哩lu!!!
我地去左重慶大廈見大門口咁多阿差，就走去行後門la，點知有4個阿差追入黎wo，係咁圍住阿娘同阿細，我同阿欣響最面就冇野wo都幾安全，諗起都好笑丫，搞左一輪之後，我地終於上左去la，諗左好耐點左d野食，比我想像中冇咁好食law，不過都ok好食la，食到9點左右，join埋小敏，我地就去行街la，我見小敏係咁叫肚餓，所以我就陪左佢去食野，食飽飽之後，我地就join番佢地，之後就去左打機la，不過果間機鋪都冇咩機好打ga，打到11點左右我地就去搭巴士返屋企la，不過，因為臭小敏我地行多左好多路丫，不過一路行都好多好多野笑ga，係咁笑真係人都癡丫，我地行去巴士站都行左4，5個字la，之後我地就各自返車返屋企lu!!!!
返到屋企，都差唔多12點9 la，hea多一陣，上左一陣網之後又好晏la，聽日去bbq lu，好耐冇見DTT-B ga 同學仔la!!!
|