今日，maggie打比我叫我打去勞二處問清楚d野，廢事一陣我地月尾走唔到，原來如果依家kitty響月尾之前比左一期糧我地，我地係告唔到佢架，除非響佢比我地之前我地講左會告佢先la，真係好煩丫，所以我只好叫maggie今日同佢講我地會告佢la!!!
晏d，因為媽咪唔舒服同左佢去睇醫生，所以今晚咩都要我自己做，佢個樣真係好唔掂丫，11點左右，maggie打比我同我講，佢同左kitty講la，之後kitty話會響24號比一期我地，31號比多一期，11月頭比埋10月我地，之後都有留我地，我唔知應唔應該走丫，講真我唔想要轉工law，都唔捨得佢地，不過我又驚佢成日好似依家咁，咁我可以點呢？點解我次次做左決定d野之後，都仲係有d野要變架呢？我真係好討厭咁ar，唔通人ga一生都係咁？？唔鐘意唔鐘意....
夜晚同阿芬傾左一陣電話，講左好多野丫，我都話左好核特架la，你又唔信，嘰嘰!!同佢傾完之後，我就黎打日記la!!
阿哥佢今日打番黎話可能12 聖誕節返黎丫，好開心丫，聽完之後，由心笑出黎，真係太好la!!嘰嘰
|