"呼....呼....呼...."好耐冇返過黎la，唔知由幾時開始唔想再寫日記，不過今日忽然好想好想<寫我心情>.....我諗如果唔係我i個日記ga忠實fans ga人都唔知幾時先會睇到la!!
今年都已經十九歲la，好快就要到二十歲，一個好重要ga關口，真真正正要大個ga時候， 愈係近li個時候，就好似覺得好緊張咁，仲係覺得自己唔夠成熟，身邊ga朋友中，我都算係比較大果個，但係好似都係好唔成熟果個，我鐘意安定，鐘意唔變，鐘意十年如一日，但係愈大愈係覺得我係鐘意不變ar，定係我怕接受"挑戰"呢，li兩個分詞語有好大ga分別，但我唔識分....大部分人識我短時間ga人，都覺得我有義氣，好硬朗，天塌落黎都唔驚，但係識我耐左就知，外表同內心有好大分別，係唔係內弱呢!!!朋友丫!!為我落一個註解可以嗎？
做得愈耐野，我覺得我愈係容易喊，唔係話做得愈耐野愈麻目架咩？愈做得耐我愈係覺得li個社會好複習，以前覺得將心比心，你對人好人仲會對你好ga，就算唔好起碼都唔會害你la，但係好可惜好似唔係咁law，li d咁ga態度只可以係對朋友，同事？sorry唔岩用，對li d人最好有咁假就咁假，但係到依家我都仲未學識....
最近我特別好想去加拿大，去散下心又好,讀下書又好，住下又好，我想離開，離開煩惱ga事，離開香港，其實都唔一定要去加拿大ga，係想放下假ja，但係我唔係要去玩，係要比個腦休息下，好時我都真係覺得自己好似個老人家，年輕人鐘意做ga事，我仲係冇咩興趣，點解呢？
我好似好耐冇試過一班朋友去傾計la，不過我唔係想講野，我想聽你地講下野ja，因為對我真ga，我諗只有你地，好掛住果時放左學之後我行街，我傾計ga時候丫，你地掛唔掛住丫？
|