今日一朝早就落好大雨,我九點幾就起身,因為要過科大註冊,時間為十點到十一點註冊,以為有私家車坐,點知無...

哎...唔理啦...落大雨都照過啦...因為就嚟遲到...

落到樓下,去影印啲畢業證書同埋成綪表,影完都係超大雨,無時間唸需唔需要停一陣先去,就著雨褸,跟住楂車出發去,

今日係超大雨的環境下過橋,大風到不得了,但又唔可以楂得慢喎...真係找死...

去到,全身濕晒(雨褸),之後入到科大,先除低件雨褸,開始註冊.

一去到,就入錯大樓,哎,超樣衰,手上又捻住啲文件,頭盔,雨褸,袋,呢一刻超想叫救命,

跟住去啱啦,入到去,啲註冊員叫我拎張身份證出嚟,我就同佢講:哎呀,我唔記得影印身份證呀!咁點算好呀?

跟住佢就幫我影印,超好人...(澳大啲人好衰,唔會幫你)

佢幫我影完印,跟住幫我入資料,就係呢個時候,佢同我講:你唔係今日嚟註冊架喎...你睇清楚啲...!

之後一睇,原來我係12號註冊(即係聽日),呢個時候,我...呆咗...

好彩佢話比我早一日註冊啫...唔係又要走嚟走去,不過呢刻超樣衰的...哎!

之後註冊完又要攞一大袋書返去,超重...

離開科大,就去咗同親戚飲茶(當食埋中午飯),飲完就去行街,行到差唔多六點,我買咗一對addidas既波鞋,之後就返咗屋企沖涼,

沖完就同我細路一人楂一部車過咗路環食葡國餐,食完去威尼斯人打咗一個白鴿轉,我同嘉朗打完唔記得入嚟嗰條路點入(因為要攞返部車,要搵返原來行入嚟條路),

之後係入面兜咗成15分鐘,之後先搵到,真慘...今晚我同我細路以超快既速度楂車返屋企,又威尼斯人返到屋企只需要5分鐘...傻架...跟住佢仲請我飲嘢先...

今日都幾開心,希望聽日可以唔好落雨,等我哋去睇下風景同影下相啦...