今日與友人在凌晨4點45分一同出發到黑沙龍爪灘度睇日出...但昨晚睡得不好,可能在12點已在床上,但一直只是合著眼沒有瞓著,所以成日都好攰...去到4點15分...就起身梳洗...

去到,大約係5點20分,個天還黑黑的,隱約見到一點點的星星,夏天的海風吹過來還是覺得有點涼...

我們帶著"電筒"摸黑進入龍爪灘,然後除了要留意地下的"黃金"外,也要扶著人才可以前進,之後,仲要爬山咁爬入去那個會看得很清楚日出的位置,接著,個天開始光了,我也開始見到身邊的環境了,

他們話要等到6點28分先可以見到日出,之後我們在等的過程中,爬在一些大石上感受一番,怎料,對於女孩子來說上去是比較困難的,所以我決定落返去,

就在這個時刻,我左腳一側,之後就成個人跌低咗...嗰一刻隻左腳真係好痛,不過之後再揉下,就無咁痛啦...

之後成日都隱隱約約的痛,到了晚上沖涼先發覺隻腳腫咗,按落去仲好痛,所以我唯有將我媽咪平時用開的"XXXX膏布"貼落隻腳度,聽日再攞藥酒揉下...希望無事啦....

不幸的...今日天氣唔好,好多雲,所以睇唔到日出...遲啲一定要再去...

完咗,唸住楂車去食早餐...途中,我們的對面線有一個男仔楂住部車雙手離軚仲要拍埋手掌先,比我哋感覺係佢好串,

再之後,友人們想試下學呢個人,然後就係我前面刹了一下車,之後就放手唔比油,佢部車突然慢咗,我係佢後面,差啲就撞埋去...嚇死我...

講真,我係嗰時確實係楂得好快,但真係唔係佢哋所講既"跟車太貼",我好肯定唔係咁...不過真係好危險,如果下次你哋想試的話,最好後面係無車,唔係既話,咁真係會累咗人...

去氹仔麥麥記食早餐,個侍應...超無禮貌,我叫咗嘢食好耐,眼見比我遲落單既都已經攞完嘢食返咗埋位,咁我就問:等咗好耐啦喎,得咪架?等咗好耐啦...之後佢話:得既話我就比咗你啦...等多陣啦...

O嘴...超無禮貌,如果佢可以話:小姐,唔好意思呀!就快得架啦...咁講都好啲呀,起碼我唔會咁嬲囉...

食完,就傾咗大約半個鐘的"攤開嚟講",之後就楂車返澳門...

返到澳門,再去某人屋企玩飛行棋,不過時間唔夠,唔係既話應該好盡慶...

中午,少團職員同JASON有FAREWELL,係金海山東昇,好多嘢食都無...所有的職員都有到,只欠了佩婷...途中,我"碌"緊嘢食嗰陣,建豪唔小心"辣"到我隻手,痛...

嗰一刻我係度唸...今日真係慘,唔係手傷,就腳傷...

之後食完,就楂車返屋企,泊好車,就抺咗一陣車,抺完都成身大汗,再返到屋止就即刻沖涼,沖完涼,實在太舒服啦!!連頭髪都未乾就係張梳化度瞓著咗,之後瞓到六點半,就返中心整嘢,

返到去,見到WINNIE,開心到我爆炸,之後見到佢,唔知點解啲眼淚就流落嚟,(可能我呢個暑假真係有好多嘢都想同佢傾...)嗰一幕實在太搞笑啦,

之後就整歌...我同BAY夾,佢哋就係度一路"綠"嘢一路玩,完全忘記咗我同阿BAY...我哋既感覺係...好似變咗陪襯品,局外人...好慘...不過都係講下啫...

搞掂...就抖咗一陣,嘉裕陪我去買嘢食,係途中,見到個阿伯係度大叫...之後原來佢部紅牌新車泊咗係巴士站,跟住比交通警鎖咗車,之後個阿伯就超大聲同個警察鬧交,

呢段係佢哋既對話:伯:洗唔洗咁呀...你大晒呀?我依家咪比個駕駛執照你囉!喂...喂...交通警:先生,我哋係有名叫架,我哋叫警察,唔係叫喂...伯:警察大晒咩?我個仔夠係警察囉...

之後我同嘉裕就走咗...因為費事再睇...明明就係自己唔啱,仲咁理直氣壯咁係度鬧人,警察鎖佢車係做佢份內事...我就覺得係警察啱...

之後返到屋企,沖完涼食完嘢就ONLINE啦...