10點幾比人嘈醒,個8婆打錯電話,仲咁惡
一路再訓,訓到2點起身,玩電腦玩到而家
聽日番學lu~~都唔知點好,晚晚冇3點都訓唔著
哈,要比心機訓覺
好期待5月27
＊男人應該為女人做既野＊
1. 唔准同任何15歲以上 35歲以下無血緣關係既女性單獨外出或者傾超過5 分鐘電話。
2. 我'meet'你既時候你唔准縮。
3. 我唔會check你既來電顯示，但係你最好唔好俾我聽到你同不明來歷既女人講電話。
4. 你個電話裡面只可以有兩個女人既相，你媽媽同我。
5. 唔好俾我見到你著白襪，除左打波既時候。
6. 我明白每個人都有過去，你會有舊情人既相呀信呀禮物呀，但係唔好係我面前飄揚，有咩爛左唔好怪我。
7. 我鍾意收情信，但係好憎見到錯別字。
8. 每日起碼要打一次電話俾我，因為我會掛心你。
9. 你要俾我知你去左邊，我唔係要check你行蹤，只係如果新聞話有三名行山人士失蹤，我要知道係唔係你。
10. 我地未必可以一生一世，但希望你同我一齊既時候，每一刻都對我認真。
11. 你心裡面諗d咩，一定要同我講，因為我好蠢，你唔同我直接講我唔會知道。
12. 我鍾意男朋友買野送俾我。
13. 我希望你會記得一切既大時大節生日同紀念日，我唔會提，亦會扮大方，但唔代表我想你失憶。
14. 男子以才為貌，但係都要乾乾淨淨。
15. 唔好企圖或意圖用「中三妹妹仔o者…… 」黎做藉口安慰我，我唔會睇小妹妹仔既威力，因為我都曾經年青過。
16. 唔准對我講大話。
17. 唔准一腳踏兩船 (或以上 )。
18. 除非d食物好美味，否則我唔想去任何張椅冇椅背既餐廳。
19. 出街一定要拖實我，因為我會蕩失路。
20. 如果我遲到，都只係因為我想著靚d見你，所以你唔好鬧我。
21. 你最好唔好有一堆女性朋友同契妹之類既不明物體o係身邊，否則我會大你三十萬用行動證明俾你睇我都有一籮男性朋友同契哥加uncle 。
22. 食飯時第一箸夾既食物記得要係俾我既。
23. 你唔好走去旺中買o個d所謂既純銀俾我，雖然我無皮膚敏感，但係鏈、戒指係好有紀念價值既野，所以買貴ｄ都唔係好過分ja~
24. 鑽石同珍珠，我永遠都唔會嫌多。
25. 我唔會問你我靚唔靚 (因為我知道我唔靚)，你最好諗定第二樣o黎讚我。
26. 我知道你冇可能每秒鐘都掛住我，但係如果你全日都冇諗起我，我會好驚。
27. 如果你郁手打我，我一定會走。
28. 記得要多d同我既父母 social，因為我同佢地關係唔好，靠你去修補。
29. Shopping 時可以分道揚鑣，但係你唔好又要企我隔離又要黑面。
30. 我好樂意同你行你鍾意既舖頭，你唔需要怕我悶，我會自得其樂。
31. 唔好批評我既 好 朋友，因為我同佢地共過患難，唔係酒肉朋友。
32. 我唔介意你望靚女，介意既係有筍野睇你都唔同我講。
33. 如果你見到我望住本《飲食男女》兩眼發光，你可以留意下係邊間餐廳，唔太貴既就帶我去試下。
34. 我喊既時候，你一定要 '乙水'我。
35. 你打機既時候，我會自己搵野做，你唔需要擔心，最好你教我打埋一份。
36. 你最好有一首只係屬於我既電話鈴聲。
37. 如果你冇開口講，我都為你去改變，代表我真心鍾意你，請你珍惜我。
38. 我好樂意幫你煮飯洗衫執屋做massage，但係請你唔好當「奉旨」。
39. 你需要比我更清楚我既電話、 DC同電腦既操作。
40. 我會希望你將我介紹俾你既朋友識。
41. 因為我有一d唔係太開心既過去，對人好冇安全感。所以請你用用行動話俾我知你對我係認真既，你唔係玩玩下。
42. 你先要努力工作，然後盡量抽時間陪我。
43. 你唔需要係有錢仔，但係要有上進心，想出人頭地。
44. 你一定要有自己既理想。
45. 我知道我好刁蠻任性，我改緊架啦，唔好催我。
46. 你要做我既人肉地圖。
47. 我M之前一個星期會情緒暴躁，你要小心d。
48. 絕對唔可以check我既 ICQ、MSN同SMS。
49. 我同你講野既時候自不然會嗲聲嗲氣，我都冇辦法架。
50. 我好有興趣知你既戀愛史，最好由頭到尾同我講一次。
51. 如果有一日，我地分左手，我都希望可以繼續做朋友。
52. 我最憎人唔信我。
53. 如果你愛我，你唔會捨得要我傷心。
54. 我都鍾意行山，不過你可唔可以搵d易行d既路線俾我。
55. 一個男人對女人最大既尊重係向佢求婚，其次係帶佢返去同父母食飯。
56. 男朋友既功用係對女朋友好，女朋友既功用係對男朋友好。
57. 好多事唔係我懶底扮唔識搵你做，而係我真係唔識。
58. 我希望你間唔中都會俾比 d小驚喜我，係「小驚喜」，唔係「大驚喜」。
59. 你講過，而我又應承過既，我一定會做。例如：你唔係我身邊我就要凌晨1點前返到屋企。
60. 唔好熄電話，萬一半夜我要去急症室我會想你陪我。
61. 如果你見我個樣冇乜表情，唔係我唔緊張你，而係愛一個人就會變得笨拙，我唔知用咩表情面對你好。
62. 如果有人追你，記得同我講，我會用掃把掃走佢。
63. 好遺憾我冇機會細細個就識得你，所以宜家請你俾多d時間我，俾機會我去了解你。
64. 你唔開心既時候我會靜靜行開俾時間空間你冷靜，但過後我會想你打返個電話俾我，因為我關心你。
65. 著得sexy 係有兩個原因：1. 我覺得靚 2. 等你緊張我。
66. 你煮飯俾我食，就算只係一碗餐蛋麵，我都會開心過食 Rougie鵝肝。
67. 你要記得間中同我講「 I love you」，否則我會以為你唔再愛我。
68. 我地要開一次會，睇下你對呢d戒條有冇異議。
69. 條文內如果有唔清楚既地方，以我既說話為依歸。
70. 其實，我明白這些戒條有點吹毛求疪有點不設實際有點妙想天開。我只想你知道，在寫這些戒條的時間內，每一秒鐘，也在牽掛你。
| 
