唔記得左同大家講，我轉左Blog！

不過由今日起，我會重新再係到打Blog，原因係逃被佢！

係呢個半月期間，發生左好多野，我同佢係一齊，但係我同佢一齊冇幾耐就散左。不過我仲愛。今日，我以好朋友身份同佢玩MSN呀！佢同我講既第一句說話係：「如果冇咩特別事就唔好搵我，因為有人唔鐘意。」我就問佢：「邊個來呀！可唔可以同我講。」佢話：「一個好重要既人。」

其實之前同佢唔知係咪算拍拖個時，最後係我自已同佢提出分手，我用一個又一個大話希望佢唔好再愛我，結果我地散左。其實我係好愛佢，不過同佢一齊我好怕，我好怕自已唔能夠同時處理到自已學業和愛情，我對自已冇信心，而且我唔想父母失望。所以我選擇左學業，放棄呢個咁好咁愛自已既男朋友。自已愛佢，但卻不能愛，呢種感覺一D都唔好受。我自己都曾經爭扎過，我好想兩樣都可以並全，不過唔可以。我既能力唔容許我咁做。我只能二選一，結果我就選擇學業。我知我將來一定會後悔，但係我冇得choose。

點知，我今日就發現原來佢有女朋友。我個心好唔舒服，好唔開心。算我自已自私，我真係好想佢呢一生一世都只係愛我一個，我最唔願意既就係佢有女朋友，估到最唔願意既事最終都發生左。我個心好唔舒服，我唔想，我e+只希望佢可以得到幸福。

有一句說話可能係真：「愛一個人未必要得到佢，只要佢幸福就足夠啦！」

我知我打既野，佢係唔會睇到，我希望佢永遠都唔會知道呢個事實。

P.S路人C，多謝你支持呀！不過咁耐冇打，我估你都唔會再來，不過冇所謂啦！都要多謝你一句^,^