哎...自從前日去旺角行完街 我對腳指就痛到依家......訓教都訓得好唔舒服
今朝早一起身 兩隻小腿都冇力咁 仲痛痛地咁 都唔知做咩......
唉...琴晚臨訓前 我叫阿媽唔好再偷睇我部手機
哈!!!佢居然話;<你部手機太光 同埋好吵 所以搞到大家訓唔著>
oh!!!救命!!!佢既大話真係大囉!!!
我鬧佢有精神病 要去精神病院睇下醫生!!!我明明睇唔到有光!亦都按左靜音!佢居然可以見到!聽到!!!
我老豆竟然幫佢一齊來話我!!!話我應該去睇下有冇精神病囉!!!
痴媽巾架!超級超級既無理取鬧!!!
明明就唔係我既錯!!!點解每次都好似係我錯晒咁!!!
每次俾老母鬧 阿爸第一時間就幫老母一齊鬧!!!
唉!!!呢個屋企係冇公平架!無論誰對誰錯都好 係冇解釋既機會!總知長輩覺得你錯 你就錯!!!一定鬧到你仆街!!!
覺得自己無錯又可以點?解釋越多 反而越俾人鬧得多!!!同佢哋吵下 反而仲會死得快啲添!!!
唉!!!我成日都俾人話蠢...由細到大 我俾屋企人打 我都唔敢還手 任由佢哋打 打完 就只係識得喊
每次當住阿爸既面喊 佢都會好嬲 唔鍾意人哋響佢面前喊...否則就會惹得佢更嬲...仲會打人!!!
所以...我每次俾佢鬧完或者打完 我都會訓響張床度 偷偷哋咁喊 唔敢喊出聲......
但係...我細佬妹就唔一樣...佢哋夠膽同阿爸阿媽對打 我真係好佩服
雖然...佢哋都會喊...但係 最起碼佢哋夠勇敢...
我仲記得 有一次...我哋三個出夜街 冇接聽媽電話...結果...一番到屋企 就見佢攞住一大條武器 好似條牛咁冲過來
細佬妹識得第一時間跑入廁所 但係...我就蠢到死...唔識走!結果...我係第一個俾佢打 連手機都俾佢整爛埋!阿媽打!阿爸鬧!我真係好憎佢哋架......
我同細妺 都唔算係響佢哋兩個照顧下所長大
無論 我幾唔開心都好 屋企都唔會有人知!!!我在這家 跟本就感受唔到溫暧...
雖然...我同細妺冇感情...但係...我知道佢既心有幾難受...一定仲難受過我
我覺得 佢依家學到點都好 責任唔響佢身上!責任在於呢個家!!!係有啲人唔識教!!!唔識關心!!!
| 
