Wargame街場驚魂，事發地點屯門某街場，日期2009年11月22日，人物︰我、MT、Yu、祥仔、Sam、康，事發時間下午5點半左右，目擊者︰樹、Sam、康。
當時我發現我枝槍有d問題，所以冇玩。之後佢哋就話快d開波。MT︰我一個打曬你哋4個。咁果4個就出咗去，打咗一陣，祥仔唔知做咩唔玩，入咗嚟，再打多陣，Yu話見到佢後面由右至後有個不明白色物體走咗埋去Yu後搞佢d頭髮，之後佢以為係佢隊友搞佢，跟住冇理，之後佢又發覺唔對路，因為佢有個隊友入咗屋唔玩，正番果兩個隊友都係佢前面，所以望去後面睇下邊個，跟住佢見到一個全身白色毛；少量黑色部分；有尾；身高大約1米35cm嘅不明生物，之後Yu就叫佢兩個隊友去Yu兩邊，其中一個隊友阿Sam話不如行近d睇佢，之後Yu就話唔好，小心佢咬你，當時佢哋三個d槍都一致對住果隻野，跟住Yu就叫我、MT出嚟睇，咁祥仔就跟埋我哋出嚟，我哋出到嚟就咩都唔見，但我見佢三個果樣唔似作野，佢哋係真係驚，Yu佢哋話我哋出嚟之前就野已經往(焚帽)果邊走咗落去，之後d雀仔飛曬上山頂果邊，MT出到嚟走咗去叢林果邊望下，之後唔記得邊個傻佬向下面(叢林)“了”槍，跟住我哋就執走咗喇。
我想問d工人收4點，同埋d師兄咁早走，其實係咪佢哋一早知有呢d野架？仲有先前個個星期日都會有師兄嚟，但呢兩星期就冇，我哋仲發覺唔見d師兄之後我哋就越嚟越黑仔。同埋果隻會唔會係猴子呢？因為我哋都見過有猴子，但冇見過有咁大隻。我真係好好奇，我番到屋企都仲笑緊佢哋果樣@@”
|
