haha想打唔想打, 想講唔知講咩好,
其實應該係話唔知應該由邊到開始講起好,
今日嘅話題係乜野改變左我,
點解我要玩童軍,
點解我宜家要玩ACC,
其實講真我由童軍....哎...好聽啲係Venture Scout,
我暗示咩野自己估啦,
我係唔想又俾人誤會我係果啲,
總之係呢到我唔會太直接講啲有衝突說話,
你地睇完自己估啦,
正題, 其實我由venture轉玩acc...
到宜家我都冇任何一聲通知,
就咁拍拍個patpat就走左,
冇錯你心諗一定話不負責任,
有人會話我有咩責任要負?
唔知, 我只知我唔講出嚟我心唔舒服姐,
似終我都係宣過誓,
到宜家我都仲識背果段野,
仲有童軍規律,
想當年仲大大聲同我個死鬼朋友講,
我打死唔會轉旅, 因為童軍待人要忠誠.
我仲應承班千禧後嘅幼童軍話要睇住佢地升venture(童軍信用為人敬)
說好的一日童軍一世童軍, 仲要係宣過誓..
我仲好記得我玩Venture第一個service係2011年渣打馬拉松,
我仲同深東138黃sir講過我玩童軍係因為我想學更多行山、露營、野外同其他更多更多的技能..
話說我係未入呢個東九1221前的故事係由我中一開始講起的,
其實係2011年1月參加嘅呢個童軍旅團並非我的第一次玩UG.
我第一次其實係中一時的了,
當年有個叫"一人一制服團體",
咁我其實係果陣已經報左荃灣24了,
但唔記得左係第一個定第二個meeting的前幾晚,
果陣已經係晚上七點幾了,
一個電話改變左我嘅命運,
如果果個電話唔響我宜家仲有機會唔係ACC人,
個電話係學校校長親自打嚟同我阿媽講叫我退團,
叫我轉玩其他UG,
原因係咩?
我中一時已經有好多老師唔中意我,
原因又係咩?
2009年7月定8月, 中一唔知乜鬼入學前預備課,
果陣係未開學的..
係第一日定唔知第二日我就已經打爆左一塊玻璃,
我好記得我之後坐左係校長室門口從一個"數碼暴龍散銀包"到拎左$35出嚟自己還錢
難怪嘅入學面試就見校長,
未讀中一就警司警介過,
講真以前有咩好驚, 宜家就不知幾縮沙,
但係少壯不努力, 老大徒傷悲呢..
上面果句係我自己玩UG的其中一個原因,
我唔想有下一個嘅我,
所以我宜家係成日同班小朋友講有書就好好地讀,
唔好好似我宜家咁玩ACC英文都唔識多隻,
到我退團後我就報了少警..
我寧願番學= =
悶到抽筋, 番左唔知一次定兩次之後就冇番lu...
我以前番學如果冇乜野我係唔會遲到的,
但大多數校門未開我就番到去都係會早走的,
早走, 唔係因為我病,,,哎唔係其實啲人都係當我有病架喇,
早走就係指老豆會係某個時間係地盤番緊工之後會好"自然地"揸架5.5嘅工程車嚟接我番屋企..
咩事自己估啦,
話說F.1有個叫"種子行動"的東西出現了-.-
係成級1A-1E班都一齊步操的東西,
你估我又做左咩野?
攞獎= =
唔係你諗果啲, 係真係頒獎咁頒,
頒獎果日突然嗌到我名拎左個唔知咩咩個人獎..
囧.............
自此之後我就愛上了軍訓、步操....
其實係我幼稚園時因為我住係山上面木屋區,
我就已經成日著住對拖鞋係個叢林入面跑嚟跑去,
我好中意行山、爬山、捉蛇、捉蟲、冒險,
當然果陣見到蛇都唔識死,
拎個燒烤叉嚟叉佢= =
話說我第一之用火柴生火燒蛇已經係唔知幼稚園高班定小一了,
大母指粗一樣嘅青竹蛇就咁叉住佢個頭嚟燒,
以前一到夏天就係"與蛇共舞"的時候了,
幾乎一星期會有兩三次番學放學有蛇係你村口阻Q住你= =
係香港粗嘅有我小腿咁粗,
不過係鄉下...大驚小怪, 大腿咁粗都見過,
以前認真識我十幾年的朋友都知,
我以前乜都放落口, 乜野狗屎垃圾石頭都放落口,
好出奇咩-.-?
其實我都唔係好清楚係唔係因為我以前嘅生活就令我中意左軍訓呢樣野,
到我F.1下學期時已經係知道有"HKACC"同"HKAC"呢兩個UG,
我中意佢地乜? 型囉！果陣我真係咁諗架,
我中意帶貝雷帽, 我中意著BOOT！
係果個時候其實我F.1時,
部電腦仲係用緊Windows 2000= =
又上唔到網..
認真我果陣連上網都唔識,
我識乜野?
去網吧打機, Heat Project= =
我第一次去網吧都係F.1
所以我唔知應該點樣揾關於呢個UG的資料,
我唔知道我可以如何加入,
到我F.2的時候我記得我係好想好想好想去報黃埔軍校的.
但唔記得左咩事又冇去到..
其實你覺唔覺得我好似有兩個性格?
1個係好中意搞事好中意搞破壞成日發脾氣嘅壞學生,
1個係好中意一啲紀律訓練之類嘅野,
我仲係好中意嚴格嘅紀律訓練, 唔嚴我會hea的,
hea hea下我就會又開始悶了= =
其實我都唔知點解= =
可能我又要睇下心理醫生喇..
之後就一路路到到中三..
因之前都有打開wargame..
咁就真係想去美國參軍喇
我仲做好曬資料搜集...
其實參軍又唔一定會俾你去前線打仗嘅..
其實你知唔知道去前線做11B要有咩學問?
11B呀18X呀仲有65定25W唔記得..
呢啲係美軍嘅MOS..Military Occupational Specialty...
係編你做邊個邊個MOS前, 你係仲要完成幾樣野的,
eg體檢、體測、ASVAB的
ASVAB係一個類似職前測驗咁,
MC題筆試, eg你想做11B係咁就要CO 90分,
CO姐係Combat要AR(Arithmetic Reasoning)+CS(Coding Speed)+AS(Shop Information)+MC(Mechanical Comprehension) 90分.
四樣+埋有90分你有機會係(<強調有機會)11B..
11B姐係戰鬥步兵,
好喇, 你係11B之後你想打仗?又唔一定架啵,
開頭陸軍16歲可以入伍,
哎唔係, 美軍係17歲, 16歲係老解, 姐係解防軍,
但一樣18歲先可以服役, 未滿18歲就只可以係預備役/國民兵..
一係就入ROTC囉..
哎仲有MC(Mechanical Comprehension)機械理解, 當中會有幾條問題係關於汽車維修的,
我就係咁...宜家變左個修車仔, 我點解做修車呢行?
原因就係咁..
越講就唔知越係講去邊, 離題離左幾公里了?
講番正題...
............................................................
講到邊呢? 唔記得左添-.-"
到F.3...3月開始搞Wargame組隊了, 開左個團..
又認識了民安隊、紅十字、st. John,
當中已經有朋友係HKAC同HKACC的了,
但我未開始揾UG玩,
一路到到2010年年尾左右啦,
都唔係年尾= =
2010年10月至11月左右啦,
就開始揾UG玩了,
係我腦海中UG有: CAS、SCOUT、ST JOHN、RED CROSS、AC、ACC、SCC...........仲有?唔記得了
係果一個時候2010年九月尾左右啦,
我係葵涌VTC讀緊汽車的時候就識左個讀消防的朋友,
佢係屯東41 Venture的亦係唔知某旅的幼童軍支部黃博(黃色掃把, 訓練員)..
我就係十月十一左右就揾UG了,
我曾經想入CAS、AC、ACC、其實童軍我放左係最後選擇..
因為我中意ACC同AC較多之後係CAS同VENTURE
但因為CAS冇回覆, ACC我唔知原來可以上總部網頁申請參加CT的..
而AC就係個電話我打左冇三十次都有廿九次, 廿九次有廿八次打唔通..
又揾唔到公開的SQN..所以就冇入到了..
最後童軍, 我本身係應承左我個FD(屯東41果個),
我話我第一選舉係番中學的荃灣24, 如果唔得就去佢果到..
但我唔記得左應承佢在先,
荃灣24個旅長知我以前所以唔想收我,
係呢個時候我又識左一個叫Bosco嘅人,
我就係咁俾佢拉左我入東九1221了= =
之後一路路...Meeting...
因為Venture少人掛..
我開始病發了(悶~)
日日番Meeting認真有咩做..?
唔係日日啦, 每個星期六,,
我有時仲要專登調假, 有時又一星期放一日假就係為左番meeting
但係番到去...嚟嚟去去都係做埋同一樣野, 唔夠嚴...
我只可以係到講唔夠嚴, 仲有咩唔好野我唔可以係到講曬..
只能說唔啱我..
唔夠刺激..沒有冒險精神..沒有領導才能..
有你講冇仔講, 唔俾罰, 罰唔嚴, 制服差.
加上我入童軍除左想學更多技能之前都只係為左陪屯東41個FD同個BOSCO姐,
宜家一個已不在, 一個少玩定冇玩都唔知lu..
轉玩ACC囉,
其實係我讀緊汽車果陣已經有兩個同班的係玩過ACC,
係果陣我聽佢地講話入門出門要拍門+up雞腸就令我更加想玩了ACC了.
再++++上係09年wargame開團至今我都認識左唔少AC同ACC嘅人了解左唔少AC同ACC嘅Training..
其實我唔打wargame可能都入唔到ACC的..
話說我入到嚟302其實都係因為Wargame= =
係上年12年7月定8月嘅事了..
就是一場CQB, 其實都係係FB一個群組..
識到一個讀果間學校的人..
之後就係傾傾下就應識左..
再之後佢就係7月定8月搞左場CQB咁佢就邀左我,
就咁去到不打不相識就識左3個302的了,
跟住就傾傾傾...............就咁......入>面試>2012年10月6日17歲第一個ACC Meeting..
宜家...其實唔知你地知唔知我有好多白頭髮...
我其實係唔係大家人生第一次見的有白頭髮的RC呢-.-?
我唔係天生白頭髮啵, 我係老左先生出嚟架！
就係咁....THE END~
|
