我聽日就返黎hk啦;

哈.我今日做左個小攝影師呀;

個個都話我影相影得靚-v-

haha...

可惜,我堂姐唔係到.

如果佢係到.我一定唔洗咁悶..

n年冇見佢啦..超~~~~掛住佢..

我係大陸既工廠偷左十幾個芒果..

綠色架;摘果陣會噴d奶出黎架;

嚇死我;整到我成手都係..

可惜我冇帶手機過黎..冇得影相..

仲有好多功課未做..死..

呢排都冇乜特別事值得寫出黎，

都係返學，小測，上堂，放學…

不過今日有幾位同學冇返，唔知係唔係比我傳染左呢，

我之前都病到七彩，而佢地又坐係我附近！

希望佢地好d病好啦。

有3日假，聽日我會返大陸，星期一先返，

我都n年冇返去探堂姐啦，我都有d掛住佢，

我怕我去到唔捨得走，因為我次次都係咁xD

The End~

今日有P.E堂,

都好似平時咁,

去公園跑4個圈,

跟住,今日老師話要打排球,

班女仔就係學校打,

男仔就去左公園入面既籃球場打,

一開始,當然要練下開波啦,

開波都唔識,點打喎.

勁慘囉,食左3次波餅呀,

都唔知人地點打波,

下下向住我打-.-似打我都過打波囉,

第一次:係到練緊開波,

我做接波果個,

人地組拋波果個,

真係唔知佢點拋,佢都唔係拋比佢D組員-.-

成個波飛過黎我到,

撞到個心口,撞個下真係痛到死.

sorry都冇句,佢仲係到繼續打波.頂佢個肺囉.

第二次:係到開始隔住個網黎開波,

我又係做接波果個,

十幾廿個人一齊開波,

好似有十幾廿個炸彈飛埋黎咁,

都唔知邊鬼個,個波又飛中我.

黑仔到不得了.

十幾廿個一齊開波,

我都唔知係邊個個波飛中我,

想報仇都冇得報.

第三次:練完開波,開始係到打波.

後面條粉腸開波,過唔到網,仲要飛中我個頭.

超準囉,不過....好彩佢唔算大力.

如果唔係,連中3次波餅,恐怕都要去醫療室啦.

 超慘

呢排我都病病地....

由9月30開始病----------病到尋日......

好可憐....未試過病咁耐....

上星期五冇返,

星期一,三,五都冇返...

星期四又早退....

有d驚跟唔上d功課.....

冇返咁多日.....

恐怕我要努力d啦...

如果唔係..一定追唔上個進度...><加油..

尋日係中秋節;

我最後都係去左公園同朋友玩;

咁岩我朋友都發燒;唔知係唔係我傳染o左比佢呢;

由於我發燒既關係;我玩左1個半鐘左右;就比媽媽扯o左返屋企;

講下我係中秋有咩玩先;

一開始;我同d朋友就整光晒d螢光棒先;

整左個波仔;一齊玩;

之後我地就去玩燈籠;

玩玩下;我個燈籠燒著o左;

燒親我隻手指;都幾痛;

跟住;我個friend o既細佬就係到扮消防員;

拎佢支水o黎淋熄d火;其實個燈籠都差唔多燒晒佢先o黎救火- -";

我就同佢講;"消防員弟弟,你反應好似遲鈍o左d喎"

跟住佢就係到對住我傻笑;

咁我個燈籠燒o左;咁我就唯有玩蠟燭同玩螢光棒;

我地玩左一陣;

d細路話要去"探險";【真可愛的小孩】

因為我同個friend要睇住佢地;咁唯有同佢地一齊去"探險"

去到湖邊;佢o地狂飛d螢光棒落湖到;

佢o地飛左幾十支之後;

有個呀姨走過黎;叫佢o地唔好再飛d螢光棒落湖;

佢o地先唔飛;

之後;我o地周圍行下;

又狂掛d螢光棒係樹到;

棵樹比我o地搞到好似聖誕樹咁;

都幾靚-v-

我諗住叫我呀媽o黎下;

跟住我發現佢個頭好靚;

佢用螢光棒整左兩個圈圈掛係頭上面;

我真係好想知道佢點解會咁有童真;

佢仲可愛過我;

雖然d螢光棒係幾靚;

但係我都廢事帶係頭上面;

跟住;我呆左咁望住佢;

佢仲問我"靚唔靚呀?"

我真係O咀- -"

之後我就返去繼續玩棵樹;

玩多陣;就比媽媽扯o左返屋企啦~