今日老母一早打黎叫我起身去飲茶佢停架車係樓下等我

咁我就拿拿林搞掂哂d野就落左去搵老母

之後就即刻開車去左老人院接左阿婆同阿姨佢地一齊去飲茶

阿婆轉左老人院之後精神左好多仲好鬼搞笑添......咁我都安心d

食到半路豬皮打黎咁我見佢咁得閒咪諗住叫佢陣間陪我去剪頭髮囉

點知pk竟然話出面好熱所以唔去 .....咁收線la真係冇野好講ar咁冇義氣

之後老母聽到我話想去剪頭髮就叫我陣間同佢去黃大仙事關佢都要剪=.=""

佢話佢個fd介紹佢去黃大仙度剪剪得幾好咁話喎.....咁咪陪佢去囉又唔洗我比$$

去到個間野坐抵左之後個髮型師就問我做唔做色咁我就話唔洗la

跟住條友竟然話我個頭咁黑成個海膽咁\./凸

頂你丫......你想用激將法咋嘛我先唔中計比佢整完一輪之後終於都ko左喇

咁就輪到老母剪la我就坐左係隔黎睇坐到我真係想訓著咁滯

見咁悶咪諗住睇下d雜誌囉但係d雜誌差唔多本本都係講個d野真係唔睇好過睇=.=""

我就係咁坐到5點幾老母先剪完.......快d走喇再坐落去真係唔掂

之後返到屋企老母就要出去喇!去邊呢!?梗係去飲la唔係洗乜整個頭整咁耐姐

我就要係屋企食埋d外賣飯餸........真係悲哀=.=""