今日返學上pe同阿典佢地打羽毛球~正
之後我去左旺角搵沛華,河彤同埋annabella佢地打機~好耐冇見喇
打左冇耐kid雯同阿雞兩條撚樣終於都出現之後就食野食完行左去奧海城打機
同沛華kid雯and雞雞玩射籃球~我同雞一組~沛華kid雯一組
唔制ar~點解個分數會同沛華佢地差咁遠架
同仆街雞一組果然係死路一條＝．＝""
玩到4點幾kid雯同阿雞就走左喇~我就繼續玩
河彤同annabella係咁玩打鼓機~睇佢地玩好搞笑
之後我同沛華打喪屍機打到隻手勁"支力"
冇耐一個電話打黎破壞哂我個陣既心情~
我媽打黎叫我即刻去沙田醫院見我阿婆最後一面
.............點解?點解要簡今日?點解要簡個刻?點解咁快就要打沉我?
之後我即刻跑左去地鐵站過長沙灣再搭巴士飛去馬鞍山
我腦裏面一片空白~太突然我根本唔知要點做由我聽完個電話開始我頭一直很痛
入到去病房見我阿婆已經係昏迷左吸住氧氣每一下呼吸都好吃力好辛苦
之後再望望其他人既表情壓迫感好大~我明白阿婆情況如何
我睇得出當時每個人心裡也在偷哭包括我
當我行過去同阿婆講我黎左喇我係阿賢既時候
我就諗佢會唔會聽到會唔會知道我黎左
之後佢吸一啖很大很大既一啖氣~我明白佢係知道
我由6點幾一路睇住佢睇到9點幾就出左外面食野食完就繼續睇
呼吸似乎比之前還要更加好吃力~醫生話今晚已經係最後一口氣了
咁辛苦點解仲要撐落去~所有人都已經黎齊哂仲有乜野放唔低
我一路握住阿婆隻手一路望實佢~由我大個左之後都一直冇再拖過阿婆隻手
今次再拖竟然係咁冷~我睇住佢咁我自己都好心"up"
我本來係想一路等等到佢呼吸停左為止
等佢走個陣唔會覺得少左個孫係佢身邊唔會走得咁孤獨
但係因為已經好夜聽日又要返學我阿媽強制性地一定要我走
我走個陣既心情係好唔捨得好唔想走我第一次係走得咁唔情願
我好想好想陪我阿婆直到佢肯上路為止~我想聽多一次佢叫個名~
我想佢叫我幫佢做多最後一件事
返到屋企沖埋涼就去左訓喇~腦裏面依然係空白的   | 
~連續2日都係miss請食飯下次輪到我地請
~至於阿鯨姐由上黎到走個刻都係聽緊十分愛首歌
