很抱歉我知我今日做得唔岩仲有打羽毛球個日是我處理失當是我錯我會反省的說＝＝

但係係d咁既情況下我除左叫你去打住機等之外我都諗唔到其他了

我都係覺得你會明白我既難處先叫你暫時行開下並不是要你避開任何人

點知原來你唔明∼∼唔緊要呢個的確唔係你既責任黎

係我立場黎睇比你地碰面完全唔敢想像會發生咩事

實在有太多連我都唔係好明白既理由

我只是顧著將呢個機會降至零所以可能的確委屈了你們＝＝

我顧及得不夠全面真的非常非常的抱歉∼真的絕對絕對不會再有呢個情況發生

絕交什麼的我絕對唔希望發生＝＝

師傅我向兩位徒弟道歉就是了

今日我終於返學了~點知一返到去竟然要考試＝＝

考生活技能ｏｎ９唔洗溫書都識本來諗住考完就可以走人ｌａ

又點知連ｐｅ都要考埋(啞撚左)＝０＝

pe考咩?考體能掌上壓+sit up

男生做到50下為滿分女生做到40下為滿分

哼~只是40下而已嗎?體能正是本尊的強項

舊時跆拳個陣冇100下都停不下來＝＝

朕既成績係掌上壓+sit up都各做到50下~不要小看女生

至於身為男生的竟然比我還要弱∼得10下....5下你們還算是一個正常人嗎=0=

仲要係做埋d不文掌上壓真係笑撚死~何謂不文掌上壓?等我講埋你就明

同學a說:夠喇!好入喇!(好賤)

同學b說:喂~條女爆喇!(仲賤)

各位明白了沒有~聯想得到不文掌上壓係點嘛＝＝

考完就拿拿林搭車返工~遲到了超趕><

今日"拍"k少本來好開心點知+多個姐姐.....灰左

不過姐姐今日病左係office訓到死左冇出過了

哈哈~我同k少就作哂反又偷食又玩扭計骰我仲拜左網球小子(扭計骰高手)做我師傅

and than仲比我知道左伍浩誠個花名叫大波哈哈......確實又真係幾大==

之後放工就同k少大波去左海皇食粥......氣氛超怪唔知想點

即係我覺得你地既對話唔似開玩笑囉~句句有骨的說完全唔知點做無奈的說==

我覺得你地兩個都有唔岩呢~唔係話我唔幫你ar仆街mi

我當你地都係自己人的說點會唔幫

to大波:男生哭唔係錯但請不要在女生面前哭你仲有尊嚴的話

如果不想哭的話那就只好變強

將來不管發生什麼事都能在不用掉淚的情況下解決這句話你沒聽過嗎

不過你既表現都已經好好了!

今日又冇返學訓到1點幾起身之後3點幾出左旺角會合阿桶佢地

今日既組合係本尊xk少x阿桶x伍浩誠---->新組合

我地一行人出旺角只有一個目的．．．．．打機！！

我同伍浩誠主攻ｖ４∼ｋ少同阿桶就主攻卒碟

我發覺自己進步了不少比起之前幾秒後已經落閘了＞＜

伍浩誠都打得不差跟得ｋ少打ｌａ可能＝＝

(p.s.其實我仲想問你有冇花名什麼的我成日打你全名好煩~我好懶的==v)

打左一陣就去左旺中買袋唉~~我要再慳d洗先得!

(p.s其間我指住海報中的模特兒話佢個頭好得之後ｋ少以為我讚佢個頭

之後勁開心笑哂口咁話：真既．．．．．我不是在讚你白痴)

6點幾去左朗豪ua買飛睇９：５０個場福音戰士新劇場版：序章^^

之後ｋ少話有３００＄元綠現金劵所以就去左元綠食餐飽

真的食得好飽．．．．聽到ｋ少咁美妙既歌喉仲飽！

之後個白痴仲比人sd左短信玩佢．．．．．你真的等嗎白痴＝＝？

唔係我提你既話我諗你已經是嚴重弱智了

一個就會問粟米係點樣白灼出來的白痴１號

另一個係連蕉皮都唔識"met"既白痴２號哈哈哈∼∼∼∼笑死本尊了

食完又打左陣機就去左睇戲喇∼真係好好睇好好睇∼本尊好想睇多次ａｒ

部初號機暴走個陣超型雖然我唔鐘意真嗣但係綾波麗真係好正！

最後個幕第１７使徒仲正非常期待佢下半部的上影

睇完１１點幾又去左打機一打就打到１點幾

之後伍浩誠肚餓去左ｍ記食野之後齊齊搭小巴返ｈｏｍｅ

今日伍浩誠為我地３個人出左好多錢

首先係晏晝ｄ雪糕錢ｘ戲飛錢ｘ食飯錢加加埋埋我諗都有差不多８００＄了

唉∼∼有點唔好意思樣樣都你請雖然我知你有米＝＝

今日係我大表哥娶老婆既日

所以我全家晨咁早7點起左身準備一齊

之後去左彩虹"村"個邊同舅父飲茶之後就渣車去左海洋公園

因為大表哥係海洋公園搞婚禮~~都幾新鮮

(p.s.喜歡幻想的大佬你將來可以考慮一下~哈哈!)

首先搭纜車過對面~好多人排長龍熱死人

其間聽到好多女仔係度喊驚.....搭纜車都好驚嗎==??本尊唔明

2點幾婚禮開始不過我全程都同阿笙打nds玩到停唔到手＝＝

表哥＆阿嫂

搞點哂之後就即刻同老母,阿姨,阿笙3個去左玩機動遊戲

玩左海盜船同玩過山車真爽~不過坐係我後面個條友就驚到係咁爆粗=0=

至於阿笙就驚到唔敢望周圍佢阿媽話阿笙再玩其他的話驚佢會賴尿

所以帶左佢去水族館......小鬼果然就是小鬼真沒出息＝＝

之後本來想ｐｌａｙ跳樓機點知老母同阿姨話驚心臟負荷唔黎所以唔ｐｌａｙ

唔制ａｒ∼∼∼冇人同我玩T_T

之後搵返表姐佢地就同左佢地玩攤位玩左射籃球20蚊6球

本尊一開始個陣連入３球~帥ar!之後即刻勁惹人注目∼好大壓力＝０＝

所以後來射失了一球．．．我的超大獎軍曹公仔沒有了很傷心點解我唔爭氣＞︹＜

入得5球得個大獎啤啤熊．．．唉∼∼唔開心所以送比左霖霖

因為佢走去搶人地鬼妹個公仔所以我只好送我個隻比佢我真是怕了這個豆釘了＝＝

玩到４點就走了∼起程去元朗食飯∼很老遠

去到酒樓冇野做就同阿笙又一齊ｐｌａｙ　ｎｄｓ

超執刀真係好鬼好玩搞到我又想buy返部添＝＝

食飯個陣同阿姨一圍檯∼ｇｏｏｄ

食到１０點幾先走返到屋企到１１點幾了玩左一陣扭計骰就訓了

唉∼∼我仲未砌到第二層ａｒ

尋日睇左K少個日記發覺佢真係好幸福有個咁好老母＝＝

佢過既生活實在太皇帝式了基本上係我細個既時候想過既生活

複製比大家睇睇∼∼∼∼

前幾日媽咪同家姐番左鄉下.., 得番我同爸爸

次次番到屋企都係得1個人  好唔慣TIM

原來冇左呀媽係唔得架…

番到屋企..
冇人放定D衫等我沖涼,
冇人幫我收毛巾,
冇人放定對拖鞋係我張床邊,
冇人幫我切生果,
冇人買早餐比我食,
冇人幫我洗衫,洗碗,洗物

即係平時以上既野都係ｋ少老母包辦

唉∼相比我老母就．．．．跟本不值一提乜野都冇做過

我好記得我由幼稚園開始已經係成日比人搬黎搬去

有時拎左我去何太度有時就拎左我去容太度

即係由我出生到現在我老母都係一路疏忽照顧我＝＝

其間過的日子跟本不是一個正常幼童該過的生活＝＝

８歲左右先開始同我阿姨住

中一先開始住返自己屋企．．．我都係超唔慣

因為我習慣阿姨屋企成日都咁熱鬧一返到去一定會有人係度

but突然間你要我自己係一個靜到連蚊飛過到聽到既地方度住

．．．．好老實講我有驚過所以之後我晚晚都會等我老豆返黎我先去訓

老豆雖然好夜先返but起碼都會返黎所以我點都會等

至於老母...就算佢放左工都一定會死左去唔知邊道

所以我完全唔想係呢個人身上寄望什麼

老母最常對我做既野就係留抵便條內容就係：

我今晚去教野之後上阿姨度今晚唔返晚餐你自己搞掂

晚餐你自己搞掂即係叫我自己食公仔麵係咪覺得我老母好good

放學返到屋企冇人已經算仲要留抵便條叫我食自己

咁算點？個陣覺得呢個跟本唔係我屋企...很沒意義

(p.s.曾經試過發脾氣踢爛左張凳and整爛左燙斗==)

我大約用左差不多4年時間先習慣得到

現在已經變得不想家人踏入家門半步

即使身旁沒有了家人也不會對我造成影響

喜歡靠自己的性格就係咁樣形成==

看!我跟本就是很極端的成長∼∼好似係度寫自傳咁添(汗)

k少快點從溫室裡走出來吧!

如果唔係我會笑你未戒奶的!