唉.......今日又落雨又打風 有個問題真係好想問下

點解次次都會咁岩係正本皇子生日個日唔係打風就係落大雨呢

已經連續4年既生日都係咁喇喎真係唔知想點=.=""

今日起身之後就已經覺得好無聊成屋冇哂人返哂工

電視又唔岩睇唯有打返兩鋪機la=.=""

本來以為今日得左手同右手再加隻狗陪我既

不過後尾都有兩位人兄買左個蛋糕上黎我幫我慶祝.......十萬個多謝你地>.<

表達能力有限除左講多謝就真係唔知講咩=.=""

但係....姓黃ar姓楊ar個d人唔知死銀左去邊呢(呢d...咩野兄弟黎架喪凸你兩個 )

k少都仲好d雖然佢搞錯左d野=.=""

我同八戒佢........係有少少問題但係佢都好有心(多謝你)

今日係我最後一次係台山跆拳所以小朱子就特登買左個蛋糕返黎

就當係歡送我同埋順便慶祝本皇子生日雖然早左5日=.=""

不過本皇子都會好多謝你地廖兜仲特登由馬鞍山飛過黎送生日卡比我:><:

多謝小朱子多謝尿兜仲有其他師弟..........個蛋糕好好味雖然冇叉要用手食:><:

食食下野個陣馬姑無lala打電話比小朱子唔知講左d咩

之後又唔知邊條友人話馬姑好似"郭晶晶"笑到我同尿兜差d噴哂蛋糕出黎

食完之後就開始傾返個日本皇子比賽d野(好似得尿兜同埋1個師弟到場支持=.="")

傾完就影返幾張相唔係要黎留念而係要黎做個壁報=.=""

之後又約好考帶個日既時間地點同埋遲到有咩後果.........等等

傾掂哂就返屋企沖返個涼之後就同k少出去搞入學註冊d野

足足等左2個幾鐘先輪到我地=.=""

本來諗住拿拿淋搞掂哂d野之後去機鋪打機家嘛點知要搞咁鬼耐都唔洗去喇

不過我地係等註冊既時候都有好多搞笑野因為個度d人個樣好值得一笑

搞掂左註冊d野之後就搵車搭我諗住去新城市睇碟點知佢又想去咁就一齊la

點知............本皇子既災難就開始喇=.=""

唔知做咩我今日勁講錯字音勁比k少笑我>.<凸之後我地就周圍睇漫畫la

但係k少每到一間鋪頭都唔知做咩都會大大聲聲講fuck搞到d人係咁望住我地=.=""

之後行行下又唔知k少做咩勁係度唱鬼神童子首歌唱到唔停=.=""

唉..........我今日竟然同左個抵能仔出街=.=""

今日10點幾就開始出發去觀塘地鐵站11點半就到左喇

一出閘就即刻見到小朱子係度睇緊地圖睇完就話要行好遠路

咁又跟住睇下la..........我想講冇半個鐘都行唔到過去囉=.=""

so小朱子同我就去左搭的士喇佢請啵^^

冇耐就去到喇入去之前佢叫我見到民sir就記得要好尊敬咁樣同佢打招呼

之後我就諗洗唔洗咁ar自以為事既人先會咁著重呢d咁既門面功夫架姐

你係得民心既話就唔須強迫人同你呢隻顛狗打招呼la自以為好得人尊敬愛戴咁

收皮la!!!咪又係自己扼自己都白痴架!!!

不過冇計la鬼叫佢高段數過小朱子咩=.=""

入到去咁咪為有乍傻扮瞢咁同佢打招呼囉(強項黎la )

果然洗得^^之後就跟住小朱子搵位坐咁搵左陣la

就搵到喇不過就坐左係民sir個老婆隔黎佢個女都係度

不過有其父必有其女佢老豆咁黑人憎佢個女都唔輸得過佢好多

從佢同小朱子講野既態度就知佢心態係點樣

"似住有老豆撐腰狐假虎威"佢個女就係咁樣(本皇子最憎呢種人 )

仲知佢一講野我就覺得佢把聲"好難聽好討厭"

雖則只係個8歲大既靚妹但係真係"好黑人憎"

之後小朱子就問民sir個老婆有冇拍抵個靚妹場比賽咁就話有la之後就拎左黎睇la

.........屎到唔屎囉係又軟手軟腳速度又慢根本就比人禁住黎打毫無還擊之力

之後我都懶得睇埋落去轉移視線睇少年組既比賽

..........悶到抽筋一d睇頭都冇亂打一通

之後又再轉移視線睇黑帶既比賽..........好睇過少年組好多速度快出腳密度高

好快動作好快好敏捷而且好有力呢d先算係比賽黎家嘛

少年組個d老實講只係細路仔玩泥沙我係咁睇睇2點幾先走

之後小朱子又話一齊比食飯咁咪去囉佢同我講左好多野

佢話我平時打搏擊個陣較為安全即係處於被動下下要等對手出左腳我先還擊

話我唔敢冒險做主動個個........我都好認同你講既野所以我都唔知點答你=.=""

食完就搭車返屋企沖涼之後訓教..........打機...........等開飯=.=""

今日又返左學校跆拳一返到去小朱子就即刻教我太極6型(有d難度=.="")

我用左半個鐘先記得熟因為d動作有d騎呢所以唔係咁易記得熟

下個禮拜又要考帶喇今次係考紅帶^^

希望唔好又係比個個吳楚民(顛狗一隻 )監考la

之後21號就要比賽喇.....又要加強練習=.=""

練完就去左食野臨走個陣小朱子叫我聽日去睇下人打比賽

都好既咁我咪話去囉食完就返左屋企沖返個涼(好爽ar^^)

之後就同隻小魔怪玩hehe......好搞野ar佢

玩完就去左訓教訓到5點幾就醒左喇

之後就係打機........食飯...........打機(例牌節目=.="")

仲有3日.......

今日起左身之後就睇電視冇耐老媽子就返左黎

........做咩多左兩隻狗既=.=""

原來契媽去左旅行所以佢隻狗就係我屋企暫住

佢隻狗個名叫做小魔怪(名副其實=.="")

睇完電視就同老媽子去左飲茶竟然要同人搭檯

我最唔鍾意就係要同人搭檯架喇不過咁岩隔黎張檯走左

咁就去左個張檯la點知個經理就話轉左檯都要搭檯

我dee......你間咩野茶樓黎架又唔係人多搭乜野檯姐

仲要係兩個麻甩佬搭我地張檯凸凸凸凸凸........

之後我就叫野la好快d野食就黎齊哂喇

食食下個陣條友拎左我壺水仲要倒哂落佢壺茶度

喂.......麻甩佬!!!!你拎左本皇子壺水ar!!!!!你個壺水係你隔黎ar!!!!!!

個陣佢仲食緊煙架添咁我就勁唔鋸la咁咪喪啤住佢囉\./

我都話唔鍾意搭檯架la警告你咪吹d煙過黎ar唔係我頭都打Q爆你!!!!!!

好唔鋸咁樣食完我既午餐之後咁就同老母去左買野

唉......好鬼重都叫你唔好成日貪平架la得兩個人又買咁多野=.=""

返到屋企就去左打雞老媽子就出左街

我打到5點幾就去左訓教本來訓得好地地點知老媽子冇lala係出面拍門

3隻狗就係咁係度叫我即刻嚇到醒左

我dee丫......原來佢又唔記得帶鎖匙\./真係煩ar阻住我訓教

再唔記得帶我就話知你拍爆度門都唔睬你阻住我訓教丫拿

諗諗下仲差4日就到喇.......不過都係冇咩特別架姐咪又係咁=.=""